تاریخ میں پہلی بار سیرت النبی ؐپر پی ایچ ڈی کی ڈگری کے اجراء کا اعلان

پاکستان کی سرگودھا یونیورسٹی سیرت النبی ؐپر پی ایچ ڈی کی ڈگری کا اجراء کرے گی۔ وزیر اعظم پاکستان عمران خان نے اپنے حالیہ انٹرویو میں اس بات کا اعلان کیا ہے کہ سرگودھا یونیورسٹی طلباء کو سیرت النبی ؐ پر پی ایچ ڈی ڈگری جاری کرے گی۔ سرور دو کونین ؐپر تعلیمی پروگرام شروع کرنے والی یہ پہلی جامعہ ہے۔ اس سلسلے میں سرگودھا یونیورسٹی اس سے پہلے ہی ‘‘انسٹی ٹیوٹ آف مسلم سویلائزیشن اور پی ایچ ڈی پروگرامز کی فعالیت’’ کے منصوبوں کو عملی جامہ پہنانے کیلئے دو پی سی ون پلاننگ کمیشن پاکستان کو ارسال کر چکی ہے۔

سرگودھا یونیورسٹی کا سیرت النبی ؐ پر پی ایچ ڈی متعارف کروانا ایک قابل ستائش اقدام ہے کیونکہ رسولِ کائنات محمدصلؔی اللہ علیہ وسلم کو خالق نے نسلِ انسانی کے لیے نمونہ کاملہ اور اسوہ حسنہ بنایا ہے۔

Image Source: Facebook

محسن انسانیت صلؔی اللہ علیہ وآلٖہ وسلؔم کے معمولات زندگی ہی تاقیامت مسلمانوں کے لیے شعار ومعیار ہیں ان کے اخلاق کی جتنی بھی تعریف کی جائے وہ کم ہے ۔انہوں نے اہل انسانیت کو محبت کا درس دیا، ان کی خوش اخلاقی وطرز زندگی نے کافروں کوبھی کلمہ گو بنادیا۔ سیرت النبی صلؔی اللہ علیہ وسلؔم کا ہر گوشہ تابناک اور ہر پہلو روشن ہے , یہی وجہ ہے کہ اس دنیائے فانی میں ایک پسندیدہ کامل زندگی گذارنے کے لیے اللہ رب العزت نے اسلام کو نظامِ حیات اور رسولِ خدا صلؔی اللہ علیہ وآلٖہ وسلؔم کو نمونہ حیات بنایا۔ بلاشبہ رسول صلؔی اللہ علیہ وآلٖہ وسلؔم نے اپنی تقوی وپرہیزگاری، صبر واستقامت ،نرمی ورحمدلی ،جرات وہمت اور امانت وصداقت سے ایک اسلامی معاشرے کی کامل تصویر پیش کی ہے۔

Image Source:unsplash

سرگودھا یونیورسٹی کے اس ڈگری پروگرام کا مقصد اسلامی تہذیب اور ثقافت کے پہلوؤں کو اجاگر کرنا ہے۔ اس کے علاوہ اس منصوبے کے تحت عالمی سطح پر دین اسلام کے بارے میں تحقیقی مکالمے اور اسلامی تہذیب پر کام کرنے والی بین الاقوامی تنظیموں کے ساتھ تعاون کو فروغ دینا ہے۔

Image Source: Facebook

خیال رہے کہ یہ جامعہ اپنے طلباء کو جدید درس و تدریس کی سہولیات مہیا کررہی ہے تاکہ وہ اسلامی ثقافت، سائنس اورنظریات کو بہتر انداز سے سمجھ سکیں۔ یہاں یہ بات بھی قابل ذکر ہے کہ سرگودھا یونیورسٹی میں سیرت چیئر بھی قائم کی گئی تھی۔

بلاشبہ موجودہ گورنمنٹ کا سیرت النبی ؐ پر پی ایچ ڈی کی ڈگری کا اجراء بہترین اقدام ہے، مزید عمران خان کا نوجوانوں کے لئے “کامیاب جوان پروگرام” بھی نہایت اہمیت کا حامل ہے۔ اس پروگرام کا بنیادی مقصد تعلیم کے شعبے کے علاوہ ہنرمند نوجوانوں کو مختلف تربیتی ٹرینگ فراہم کرنا ہے نیز اس کے ساتھ ساتھ کاروباری شعبے میں بھی نوجوانوں کی مدد کرنا ہے۔ وزیر اعظم کے اس پروگرام سے اہل نوجوان بہت زیادہ فائدہ اٹھا رہے ہیں۔

Ahwaz Siddiqui

Recent Posts

پاکستان میں روبوٹکس کی تعلیم تک رسائی بڑھانے کے لیے پائی اسپیس سائنس ایجوکیشن سینٹر کی توسیعی سرگرمیاں

پاکستان بھر میں پسماندہ طبقات، لڑکیوں اور معذور طلبہ کے لیے روبوٹکس کی تعلیم کے…

2 weeks ago

کوک اسٹوڈیو Nu.WAV کا پانچواں گانا ’’قسم‘‘ ریلیز، شے گل اور افیوسک کی آوازوں کا منفرد امتزاج

کوک اسٹوڈیو Nu.WAV نے اپنے چھٹے اور آخری میوزیکل ریلیز سے قبل پانچواں گانا ’’قسم‘‘…

2 weeks ago

کوک اسٹوڈیو Nu.WAV کی چوتھی پیشکش ’’شبنم‘‘ ریلیز، مانو اور زوہا وسیم کی آوازوں کا منفرد امتزاج

لاہور: کوک اسٹوڈیو Nu.WAV نے اپنے میوزک پروجیکٹ کی چوتھی پیشکش ’’شبنم‘‘ ریلیز کر دی،…

4 weeks ago

آئی ٹیل انرجی کی سولر پاکستان ایکسپو میں جدید بیٹری کی نمائش، کمرشل و صنعتی شعبے میں توسیع کا اعلان

آئی ٹیل انرجی نے سولر پاکستان ایکسپو 2026ء میں جدید جنریشن ٹو بیٹری، آر ای…

1 month ago