صبا قمر اور سونیا حسین پولیس افسر کے روپ میں کیوں؟

اداکارہ سونیا حسین اور صبا قمر انڈسٹری میں اپنے منفرد کردار نبھانے کے لئے جانی جاتی ہیں۔ کچھ دونوں سے سوشل میڈیا پر دنوں اداکاراؤں کی پولیس کے یونیفارم میں تصویریں شیئر ہو رہی ہیں جس میں دونوں نے سارا کے نام کا بیج لگایا ہوا ہے۔

پولیس کی وردی پر ایک ہی نام کا یہ بیج دیکھ کئی شائقین حیران تو کئی پریشان بھی دکھائی دئیے کہ ایک ہی ڈرامے میں دو ایس پی خواتین ایک ہی نام کا کردار کیوں ادا کر رہی ہیں؟

جبکہ متعدد شوبز سوشل میڈیا پلیٹ فارمز کی پوسٹس میں دعویٰ کیا گیا کہ یہ دونوں اداکارائیں عمیرہ احمد کے لکھے گئے ڈرامے کا حصہ ہیں۔ لیکن دونوں اداکاراؤں کی جانب سے کسی بھی قسم کی کوئی تصدیق نہیں کی گئی تھی۔

تاہم اب اس بات کی تصدیق ہوگئی ہے کہ دونوں ایک ساتھ ایک ہی ڈرامے میں جلوہ گر ہو رہی ہیں۔ “سیرل کلر” کے نام سے اس ڈرامے میں صبا قمر اور سونیا حسین شائقین کو پولیس افسر کے روپ میں دکھائی دیں گی۔ اس ڈرامے کے ہدایت کار عدنان سرور ہیں ، کہانی مشہور رائٹر عمیرا احمد نے لکھی ہے جبکہ اسے پروڈیوس مصباح شفیق نے کیا ہے۔ اس ڈرامے کی کہانی کے حوالے سے کسی کو ابھی تک کوئی خبر نہیں البتہ نام سن کر قیاس کیا جا رہا ہے کہ یہ کسی ’قاتل‘ کی کہانی ہوسکتی ہے۔

خیال رہے کہ کچھ دن پہلے جب انسٹاگرام پر صبا قمر کی جانب سے پولیس یونیفارم میں تصاویر شیئر کی گئیں تو اس تصویر میں صبا قمر کو سارا کے نام کا بیج پہنے ہوئے دیکھا گیا۔ پولیس کی وردی میں اداکارہ کی یہ تصویریں سوشل میڈیا پر وائرل ہوگئیں۔

اس کے بعد اداکارہ سونیا حسین نے انسٹاگرام پر پولیس یونیفارم میں اپنی تصویر شیئر کرتے ہوئے تصدیق کی کہ وہ عمیرہ احمد کے لکھے اور عدنان سرور کے ہدایت کرہ ڈرامے میں سپرنٹنڈنٹ آف پولیس (ایس پی) کے روپ میں دکھائی دیں گی۔ اداکارہ سونیا حسین نے بتایا کہ وہ ڈرامے میں ایس پی سارا سکندر کا کردار ادا کریں گی اور انہوں نے سیکیورٹی افسر کے کردار پر خوشی کا اظہار بھی کیا۔

سونیا حسین کی جانب سے شیئر کردہ تصویر میں انہیں پنجاب پولیس کے یونیفارم میں دیکھا جاسکتا ہے۔تاہم انہوں نے ڈرامے کا نام اور اس کی دیگر کاسٹ سے متعلق کچھ نہیں بتایا تھا۔