صبا قمر بیمار اسپتال میں داخل

پاکستانی معروف اداکارہ و ماڈل صبا قمر نے سوشل میڈیا پر مداحوں کو اپنی صحت سے متعلق آگاہ کیا ہے۔

Saba Qamar Diagnosed Diarrhoea

اداکارہ نے فوٹو اینڈ ویڈیو شیئرنگ ایپ انسٹاگرام پر اسٹوریز شیئر کیں جس میں انہوں نے مداحوں کو اپنی بیماری سے متعلق آگاہ کیا۔

انسٹاگرام اسٹوری میں صبا قمر نے ایک تصویر شیئر کی ہے جس میں وہ اسپتال کے بستر پر لیٹی ہوئی ہیں اور ان کے گرد دوست اور رشتے دار موجود ہیں۔

صبا قمر نے کہا کہ بہت سے لوگ ان کے بارے میں کافی پریشان ہو رہے تھے اس لیے وہ مداحوں کو آگاہ کرنا چاہتی ہیں کہ وہ شدید ڈائریا کا شکار ہوگئی تھیں لیکن اب وہ کافی بہتر محسوس کر رہی ہیں اور صحتیاب ہو رہی ہیں۔

:مزید پڑھیئں

پیٹ کی گیس اور اسکا گھریلو علاج

اداکارہ نے مزید کہا کہ سب کی دعائیں اور محبت ان کے لیے بہت اہم ہے اور وہ وعدہ کرتی ہیں کہ وہ بہت جلد واپس آئیں گی۔ انہوں نے اپنے مداحوں کا شکریہ بھی ادا کیا جو ان کے لیے فکر مند تھے۔

صبا قمر کی جانب سے شیئر کی گئی تصاویر میں نامور سینئر اداکارہ حنابیات اور آمنہ شیخ کو بھی دیکھا جا سکتا ہے جنہیں صبا قمر نے اپنا خاندان قرار دیا۔

گزشتہ ہفتے صبا قمر نے اپنے مداحوں سے کہا تھا کہ وہ تھوڑی دیر کے لیے وقفہ لے رہی ہیں، اپنے پیغام میں انہوں نے لکھا تھا کہ کبھی کبھی زندگی میں آپ کو صرف ایک قدم پیچھے ہٹنا پڑتا ہے، تھوڑی دیر کے لیے خاموش رہنا پڑتا ہے، اور اپنے آپ کو سننے اور دوبارہ چارج کرنے کے لیے وقت دینا پڑتا ہے۔