ساس پر بہیمانہ تشدد کرنے والی بہو گرفتار، مقدمہ درج

کراچی میں پولیس نے کاروائی کرتے ہوئے ایک خاتون کو اپنی ساس پر بہیمانہ کرنے کے الزام میں گرفتار کرلیا، یہ واقعہ بدھ کے روز سامنے آیا، جس میں دیکھا گیا کہ ایک خاتون اپنی ضعیف اور لاچار پر تشدد کررہی ہیں، اس منظر نے دیکھنے والوں کو ناصرف چونکا کے رکھ دیا بلکہ شرمندگی سے سب کے سروں کو بھی جھکا دیا۔

تفصیلات کے مطابق ایک ویڈیو گزشتہ روز سوشل میڈیا پر وائرل ہوئی، جس میں دیکھا گیا ایک سنگ دل اور بےرحم عورت ایک ضعیف خاتون کو انتہائی بے رحمی سے تشدد بنارہی ہے، یہ ویڈیو محض ایک منٹ کی ہے، جس میں جلاد نما خاتون اپنے ہاتھوں اپنی ساس کو زور زور سے پیٹتے دیکھا جاسکتا ہے۔

اس حوالے سے اطلاعات ہیں کہ یہ مذکورہ ویڈیو گھر میں کام کرنے والی ملازمہ کی جانب سے بنائی گئی ہے، جس میں دیکھا جاسکتا ہے، کہ مذکورہ خاتون بزرگ خاتون کے ساتھ وحشیانہ انداز میں تشدد کررہی ہیں۔ جبکہ یہ سب معاملہ ہو رہا تھا تو اس وقت بزرگ خاتون کے بیٹا اور مذکورہ خاتون کے شوہر گھر پر موجود نہیں تھے، بتایا جا رہا ہے کہ یہ کچھ پہلی بار نہیں ہوا ہے بلکہ اس سے قبل بھی ہوچکا ہے، لہذا اس بار گھر کی ملازمہ نے واقعے کی ویڈیو بنائی۔

دوران تفتیش ملازمہ کی جانب سے مزید انکشاف گیا ہے کہ مذکورہ خاتون نے اپنی والدہ کے حکم پر خاتون نے اپنے شوہر کو بھی ڈنڈے سے مار کر قتل کرنے کی کوشش کی۔

اس سلسلے میں ذرائع کا کہنا ہے کہ خاتون کے شوہر نے اس کی غیر موجودگی میں اپنی ماں کو پیٹنے کے الزام میں اپنی بیوی کے خلاف مقدمہ درج کروا دیا ہے، اس حوالے سے شوہر کا کہنا تھا کہ وہ جب بھی کام سے گھر واپس آتے تو اسے ہر بار اپنی والدہ کے جسم پر نئے زخم اور نشانات نظر آتے تھے۔

دوسری جانب بوٹ بیسن پولیس اسٹیشن میں بیٹے کی مدعیت میں بیوی کے خلاف مقدمہ درج کرلیا گیا ہے جبکہ خاتون کو حراست میں لینے کے بعد جیل کی سلاخوں کے پیچھے بھیج دیا گیا ہے، جہاں ان سے معاملے کے حوالے سے مزید تفتیش بھی کی جارہی ہے۔

واضح رہے یہ ویڈیو سب پہلے ایک شخص کی جانب سے سماجی رابطے کی ویب سائٹ فیس بک کے ایک مشہور گروپ حالات ایپ ڈیٹ پر شئیر کیا گیا تھا، جس کے بعد یہ ویڈیو پھر وائرل ہوئی تھی، جبکہ مزید اور دیگر تفصیلات کے حوالے سے کوئی زیادہ معلومات سامنے نہیں آسکی ہے۔

یقیناً یہ واقعہ بحیثیت انسان اور مسلمان ہمارے لئے افسوس کی بات ہے، اس سے قبل یعنی کچھ مہینے پہلے سوشل میڈیا پر زوبیا میر کی جانب سے اپنے بھائی ارسلان میر کی ایک ویڈیو شئیر کی گئی تھی، جس میں دیکھا گیا تھا کہ وہ اپنی والدہ کو انتہائی وحشیانہ انداز میں تشدد کا نشانہ بنا رہے ہیں جبکہ ارسلان کی اہلیہ اس دوران اپنے شوہر کو روکنے کے بجائے شوہر کو مزید تشدد کرنے پر اکسا رہی تھیں۔ بعدازاں وہ ویڈیو وائرل ہوئی تھی، جس پر قانون نافذ کرنے والے ادارے فوری طور پر حرکت میں آئے تھے اور ملزم ارسلان کو گرفتار کرلیا تھا۔ تاہم والدہ کی جانب سے بیٹے کو معاف کردیا گیا تھا اور جس پر دونوں کی جانب سے اکھٹے ویڈیو بھی جاری کی گئی تھی۔

خیال رہے ہمارے سماج اور مذہب اس عمل کو ناصرف شرمناک قرار دیا گیا ہے بلکہ اسے سخت ترین گناہ بھی قرار دیا ہے تاہم افسوس کے ساتھ اس سب کے باوجود ہمارے ایسے واقعات سامنے آتے ہیں؟ بحیثیت قوم ہمیں سوچنا پڑھے گا شاید ہم دنیا میں کسی کے ساتھ غلط کرکے بچ جائیں لیکن اللہ تعالیٰ آخرت کو آخرت میں کیا شکل دیکھائیں گے، جو سب چیزیں جانتا ہے۔