جانیے، رمضان المبارک کی رحمتیں جنکی اہمیت کا لوگوں کو اندازہ نہیں


0

ماہِ رمضان کا آغاز ہوگیا ہے اور رمضان المبارک کی رحمتیں ہر مسلمان پر برس رہی ہیں۔ اسلامی مہینے میں رمضان المبارک وہ بابرکت مہینہ ہے جس میں مسلمانوں کو ہر نیکی کا انعام ستر گناہ اور اس سے بھی بڑھ کر ملتا ہے۔ یہ ایسا مہینہ جس میں روزانہ گناہ گاروں کی بخشش ہوتی ہے، یہ ایسا مہینہ جس میں رحمتوں کے دروازے کھول دئیے جاتے ہیں اور شیاطین کو قید کردیا جاتا ہے۔

Ramadan Mubarak Ki Rehmatein :رمضان المبارک کی رحمتیں

Ramadan Mubarak Ki Rehmatein

بلاشبہ رمضان المبارک کی رحمتیں اور فضلیتیں بیشمار ہیں، اور یہ اس قدر زیادہ ہیں کہ ہمیں اس کا اندازہ بھی نہیں۔لہٰذا اس ماہِ مقدس کی خصوصیات کو مدنظر رکھتے ہوئے آج آپ سے اس مہینے کی اُن رحمتوں کا ذکر کریں گے جنہیں اپنا کر ہم زیادہ سے زیادہ اس ماہِ مبارک کی برکات سے مستفید ہوسکتے ہیں۔

تراویح

Ramadan Mubarak Ki Rehmatein

رمضان کی ایک خاص عبادت تراویح کی نماز ہے جو عشاء کے بعد پڑھی جاتی ہے۔ ابتداء میں یہ عام مسلمانوں پر بھی فرض تھی مگر پانچ نمازوں کی فرضیت کے بعد اس کی فرضیت عام مسلمانوں کے لئے منسوخ ہوگئی اور یہ صرف رمضان میں عشاء کے بعد جماعت کے ساتھ پڑھی جاتی ہے۔تراویح کے بارے میں احادیث میں آتا ہے کہ رمضان کی راتوں کے قیام کو رسول اللہ ﷺ نے مسنون قرار دیا اور فرمایا کہ “جس نے ایمان کی حالت میں ثواب کی غرض سے قیام کیا تو اس کے سابقہ گناہ معاف کردئیے جائیں گے۔”

ایک اور جگہ فرمایا کہ “جو آدمی امام کے ساتھ کھڑا رہے یہاں تک کہ وہ نماز ختم کردے تو اس کے لئے رات بھر عبادت کا ثواب لکھ دیا جائے گا۔”

اعتکاف

Ramadan Mubarak Ki Rehmatein

رمضان المبارک کی رحمتیں بے شمار ہیں ان میں سے ایک اعتکاف ہے جسے ماہ رمضان کی بہترین عبادت سمجھا جاتاہے۔ اعتکاف میں مسلمان دس روز تک ترک دنیا کرکے اپنے خالق کی عبادت میں مشغول رہتا ہے۔ حضرت امام حسین ؓ سے روایت ہے کہ “جس نے رمضان کے آخری دس دن کا اعتکاف کیا وہ ایسا ہے جس نے دو حج اور دو عمرے کرنے کا ثواب پایا۔”

قیام اللیل

Ramadan Mubarak Ki Rehmatein

رمضان میں سب سے زیادہ باعثِ اجر عمل قیام اللیل ہے۔ قیام اللیل کا مطلب ہے، راتوں میں اللہ تعالیٰ کی عبادت کرنا۔ قرآن مجید میں اللہ تعالیٰ نے عبادالرحمن (رحمن کے بندوں) کی جو صفات بیان فرمائی ہیں، ان میں ایک یہ ہے، ترجمہ:”ان کی راتیں اپنے رب کے سامنے قیام و سجود میں گزرتی ہیں۔”

ایک جگہ رسول اللہ ﷺ نے فرمایا کہ “جس نے رمضان (کی راتوں) میں ایمان کی حالت میں ثواب کی نیت سے قیام کیا، تو اس کے پچھلے گناہ معاف کردیے جائیں گے۔”(صحیح بخاری)

راتوں کا قیام رسول اللہ ﷺ کا بھی مستقل معمول تھا۔ صحابہ کرام ؓ  بھی اس کا خصوصی اہتمام فرماتے تھے۔ جبکہ رمضان المبارک میں اس کی اہمیت اور بڑھ جاتی ہے۔

صدقات

Ramadan Mubarak Ki Rehmatein

ماہِ رمضان میں صدقہ و خیرات کرنے کا دُگنا ثواب ملتا ہے۔حضرت ابن عباسؓ فرماتے ہیں،نبی کریمﷺ بھلائی کے کاموں میں سب سے زیادہ سخاوت کرنے والے تھے ، آپ کی سب سے زیادہ سخاوت رمضان کے مہینے میں ہوتی تھی۔اس مہینے میں (قرآن مجید کا دور کرنے کے لیے) جب آپﷺ جبرائیل امینؑ سے ملتے تو آپﷺ کی سخاوت اتنی زیادہ اور عام ہوتی جیسے تیز ہوا ہوتی ہے، بلکہ اس سے بھی زیادہ۔(صحیح مسلم)۔ اس سے معلوم ہوتا ہے کہ رمضان المبارک میں عام دنوں کے مقابلے میں صدقہ و خیرات کا زیادہ اہتمام کرنا چاہیے۔ صدقہ و خیرات کا مطلب ہے کہ اللہ تعالیٰ کی رضا کے لیے فقراء و مساکین، معذور اور بے سہارا افراد کی ضروریات پر خرچ کرنا اور اُن کی خبر گیری کرنا، بھوکوں کو کھانا فراہم کرنا، بیماروں کا علاج و معالجہ کرانا، یتیموں اور بیواؤں کی سرپرستی کرنا، مقروضوں کو قرض کے بوجھ سے نجات دلانا اور اس طرح کے دیگر ضرورت مند افراد کے ساتھ تعاون و ہمدردی کرنا ہے۔

مزید پڑھیں: چند اچھی بنائی گئیں عادات جو رمضان المبارک کے بعد بھی ضروری ہیں

مزید برآں، اس رمضان المبارک کی رحمتیں سمیٹنے کے لئے ضروری ہے کہ ہم ان کاموں کے ساتھ اپنے اعمال کا محاسبہ بھی کریں اور ان کی اصلاح کریں۔ بحالت روزہ کثرت سے اعمال صالحہ انجام دیں، رمضان کی ہر رات میں شب بیداری کرکے قیام دعا، استغفار اور میں مصروف رہنے کی کوشش کریں تاکہ رمضان المبارک کی رحمتیں سمیٹنے کے ساتھ ساتھ اللہ تعالی کا قرب بھی حاصل کرسکیں۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
1
love
lol lol
0
lol
omg omg
0
omg
win win
0
win
Zameer Ali

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format