شناختی کارڈ کی تصویر میں مسکرانا کیوں منع ہوتا ہے؟

کیا آپ نے کبھی اس بارے میں سوچا کہ شناختی کارڈ یا دیگر اہم دستاویزات کے لیے تصاویر بنواتے وقت مسکرانا منع کیوں ہوتا ہے؟

اگر نہیں تو آج ہم آپ کو بتائیں گے کہ جب بھی اہم دستاویزات کے لیے تصاویر بنواتے ہیں تو ہمیں چہرے کے تاثرات کیوں نارمل رکھنے ہوتے ہیں۔

شناختی کارڈ ،پاسپورٹ یا ویزا کی تصویر بنواتے ہوئے ہمیں اپنا منہ بند کرنا ہوتا ہے اس کی وجہ بائیو میٹرک اسکینرز ہیں جو 2005 میں شروع کیے گئے تھے۔
اسکینرز صرف اس صورت میں کسی شخص کے چہرے کو پہچان سکتے ہیں جب یہ نارمل حالت میں رہے۔

قومی شناختی کارڈ کے 13 نمبروں میں کیا راز چھپا ہے؟ جانیے دلچسپ معلومات

نیشنل ڈیٹابیس رجسٹریشن اتھارٹی (نادرا) سے جاری ہونے والا شناختی کارڈ پاکستانی شہری ہونے کی پہچان ہے اور اس پرموجود 13 اعداد کے شناختی کارڈ نمبر کے ہر عدد کے پیچھے ایک راز چُھپا ہوا ہے جو کہ بہت کم لوگوں کو ہی پتا ہوگا۔

Pakistani CNIC

تفصیلات کے مطابق پاکستانی شہریت کے ثبوت شناختی کارڈ پر درج یہ 13 نمبر ہر پاکستانی کیلئے بالکل مختلف ہوتے ہیں، یہ نمبر تین ٹکڑوں پر مشتمل ہوتا ہے جس کے پہلے 5 عدد’’12101‘‘ میں سب سے پہلا نمبر یعنی ’1‘، آپ کے صوبے کی نشاندہی کرتا ہے، جن لوگوں کے شناختی کارڈ کا نمبر 1 سے شروع ہوتا ہے وہ خیبر پختونخوا کے رہائشی ہیں۔

اسی طرح اگر نمبر 2 ہے تو وہ شخص فاٹا، 3 ہے تو پنجاب، 4 ہے تو سندھ، 5 ہے تو بلوچستان جبکہ 6 ہو تو اسلام آباد اور 7 ہو تو گلگت بلتستان کا ہوگا۔

قومی شناختی کارڈ میں دوسرا نمبر آپ کے ڈویژن کو ظاہر کرتا ہے۔ ہر ڈویژن کو ایک الگ شناخت نمبر دیا گیا ہے جبکہ باقی تین عدد آپ کے ضلع اس کی تحصیل اور یونین کونسل کو ظاہر کرتے ہیں۔

شناختی کارڈ کے درمیان میں درج سات ہندسوں کا نمبر دراصل ایک کوڈ ہے جو خاندان نمبر کیلئے استعمال ہوتا ہے۔

مثلا ’’XXXXX-1234567-X‘‘ اس کوڈ کے ذریعے شجره یعنی فیملی ٹری تشکیل پاتا ہے، انہی نمبرز کے سب سے آخر میں ہائفن کے بعد درج نمبر جنس ظاہر کرتے ہیں

 جس میں مردوں کے لیے طاق اعداد یعنی 1-3-5-7-9

اور عورتوں کے لیے جفت اعداد یعنی 2-4-6-8 رکھے گئے ہیں۔