محبت کی انوکھی مثال، نوجوان نے محبوبہ کو اپنے دانتوں کا ہار پیش کردیا

محبت زندگی کا وہ جذبہ جسے متعدد افراد سب سے طاقتور جذبہ مانتے ہیں اور زندگی میں سبھی اس کے خواہشمند ہوتے ہیں اور یہ ایسی چیز ہے جو انسان کو سدھار بھی دیتی ہے اور بگاڑ بھی دیتی ہے جبھی اکثر ناکام محبت کی وجہ سے لوگ اپنی جان دینے سے بھی گریز نہیں کرتے ہیں۔ اکثر اوقات محبت انسان میں سوچنے اور اقدام کرنے کا انداز تک بدل کر رکھ دیتی ہے تبھی تو اس محبت میں گرفتار لوگ اکثر اوقات اپنے محبوب کی محبت میں مجبور ہوکر عجیب و غریب کام کرنے سے بھی دریغ نہیں کرتے۔

اسی طرح کا ایک عجیب و غریب واقعہ مصر میں پیش آیا جہاں پر ایک لڑکے نے اپنی وفاداری ثابت کرنے کے لئے محبوبہ کو اپنے تمام دانتوں کا ہار بناکر پیش کردیا۔سماجی رابطے کی ویب سائٹ پر بھی اس واقعے کی تصویر وائرل ہوئی جس میں لڑکے کو بغیر دانتوں والی مسکراہٹ کے ساتھ دیکھا جاسکتا ہے۔

غیر ملکی میڈیا رپورٹ کے مطابق یہ واقعہ مصر میں پیش آیا جہاں پر کیک نامی نوجوان نے اپنی محبوبہ جس کا نام لیزا تھا کے سامنے اپنی محبت کا یقین دلانے کے لئے اپنے تمام دانت نکلوا کر اس کا ہار بنوا دیا۔ مصری نوجوان کو یہ عجیب و غریب حرکت کرنے کی نوبت اس لئے پیش آئی کیونکہ اس کی محبوبہ نے اس کو دھوکہ دہی کرتے ہوئے پکڑ لیا تھا جبکہ نوجوان کی جانب سے اپنی محبت کا یقین دلانے کے لئے کوئی اور کام نہ سوجھا تو اس نے اپنے تمام دانتوں کو نکلوایا اور اس کا ہار بناکر لیزا کو تحفہ کے طور پر پیش کر دیا۔

رپورٹ میں یہ بھی بتایا گیا کہ جب لیزا کو کیک کی جانب سے دھوکہ دیئے جانے کا انکشاف ہوا تو اس نے کیک سے بول چال بند کردی اور اس کا فون تک اٹھانا چھوڑ دیا مگر کافی کوششوں کے بعد لیزا کیک سے ملنے کے لئے ایک ریسٹورنٹ پہنچی جہاں پر نوجوان نے کوئی بات کئے بنا ہی دانتوں کا ہار اپنی محبوبہ کو پیش کردیا جس پر اس کی محبوبہ سکتے میں آگئی اور پوچھا کہ یہ کیا ہے تو اس نے جواب دیا کہ میں نے اپنے دانتوں کو نکلوا کر ہار بنوا دیا تاکہ تمہیں میری محبت کا یقین آسکے۔ کیک کی اس حرکت پر لیزا کو شدید غصہ آیا اور وہ اسے یہ کہہ کر ریسٹورنٹ سے چلتی گئی کہ آئندہ وہ اس سے بات کرنے کی بھی کوشش نہ کرے۔

مزید پڑھیں: پاکستانی نوجوان نے محبت کی مثال قائم کر دی، بیوی کیلئے چاند پر پلاٹ

شاید اسی لئے کہا جاتا ہے کہ محبت اور جنگ میں سب کچھ جائز ہے۔ گزشتہ سال پشاور میں بھی ایک نوجوان نے اس فقرہ کو درست بھی ثابت کر دیکھایا تھا۔ یہ نوجوان دل کے ہاتھوں مجبور ہوکر اپنی محبوبہ سے ملنے اس کے علاقے میں عبایا پہن کر پہنچ گیا تھا۔ تاہم لوگوں کو بُرقع پہنی یہ خاتون مشکوک لگیں اور انہیں اندازہ ہوگیا کہ برقع میں کوئی عورت نہیں بلکہ مرد ہے اور وہ کسی غلط مقصد کے تحت ان کے علاقے میں آیا ہوا ہے لہذا لوگوں کی جانب سے فوری طور پر پولیس کو اطلاع دی گئی اور یہ نوجوان تھانے پہنچ گیا۔

البتہ ایک تحقیق سے یہ بات تو اب سچ ہوگئی ہے کہ اس جدید دور میں حقیقی محبت تلاش کرنا آسان نہیں۔ برطانیہ میں ہونے والی اس سروے نما تحقیق کے مطابق اب بیشتر افراد پہلی ملاقات میں ہی دل ہار بیٹھتے ہیں، خصوصاً مرد اس معاملے میں خواتین سے بہت آگے ہیں جن کی 29 فیصد اکثریت کسی بھی نئی خاتون سے ملتے ہی اپنا دل ہار بیٹھتی ہے۔