لمبے ترین بالوں کا اعزاز رکھنے والی بھارتی خاتون نے اپنے بال کٹوا دیئے

گنیز ورلڈ ریکارڈ ہولڈر نیلانشی پٹیل نے دنیا میں سب سے لمبے بال رکھنے کا ریکارڈ اپنے نام کیا۔ نیلانشی پٹیل کا تعلق بھارتی ریاست گجرات سے ہے۔ وہ 16 برس کی تھیں تو انہوں نے 2018 سے یہ اعزاز اپنے نام کیا تھا۔ ان کے بالوں کی کل لمبائی 170.5 سینٹی میٹر (5 فٹ 7 انچ) تھی۔ تاہم اب عالمی ریکارڈ ہولڈر نیلانشی پٹیل نے 12 سال تک بال بڑھنے کے بعد اب باضابطہ طور پر انہیں کٹوا دیئے ہیں۔

گنیز ورلڈ ریکارڈ ہولڈر نیلنشی پٹیل نے ایک بلاگ میں بتایا کہ پچھلے سال جولائی میں ، 18 ویں سالگرہ سے ٹھیک پہلے ، ان کے بال آخری بار ناپے گئے تھے۔ جس میں ان کے بالوں کی لمبائی حیرت انگیز طور پر 200 سینٹی میٹر یعنی (6 فٹ 6.7 انچ) تک جا پہنچی تھی، جس پر انہیں نے نوعمری میں سب سے زیادہ لمبے بالوں کا اعزاز حاصل کیا۔

نیلنشی پٹیل کے مطابق انہوں نے اپنے بالوں کو نہ کاٹنے کا فیصلہ تب کیا تھا، جب وہ چھ سال کی عمر میں بال کٹوانے ایک خراب تجربے سے گزری تھی۔ لہذا اس کے بعد انہوں نے بغیر بال کٹوائے 12 سال گزارے اور انہوں نے اپنے لمبے بالوں کو اپنی ’خوش قسمتی’ کی نشانی بتایا۔ بعدازاں انہوں نے پھر ایک دہائی سے زیادہ عرصے تک اپنے بالوں میں اضافہ کیا اور نوعمری میں عالمی ریکارڈ اپنے نام کیا۔ تاہم اب آخر میں نیلنشی پٹیل نے اپنے یعنی دنیا کے سب سے لمبے بال کاٹنے کا فیصلہ کیا ہے۔

سوشل میڈیا پر وائرل ہونے والی ویڈیو میں اپنے بالوں کو کاٹنے پر ، نیلنشی پٹیل نے کہا ، “میرے بالوں نے مجھے بہت کچھ دیا۔ میں اپنے بالوں کی وجہ سے میں ‘ریل لائف ریپنزیل’ کے نام سے جانی جاتی ہوں۔ اب وقت آگیا ہے کہ ہم اسے کچھ واپس کریں۔

بال کٹوانے سے قبل ، نیلنشی نے اپنے بالوں کو الوداع کہتے ہوئے کہا میں بہت پرجوش اور تھوڑا سا گھبرا رہی ہوں کیونکہ مجھے نہیں معلوم کہ میں نئے بالوں میں کس طرح دیکھ رہی ہونگی؟ تو آئیے دیکھتے ہیں کہ کیا ہوتا ہے ، لیکن مجھے امید ہے کہ یہ حیرت انگیز ہوگا۔ نیلانشی پٹیل کے تمام بال کٹنے کے بعد ، بالوں کو ایک جھنڈ میں باندھ دیا گیا، جس کا وزن 266 جی (9.4 آانس) تھا۔

نیلنشی پٹیل کی جانب سے اپنے بالوں کو ریپلے کو۔عطیہ کردیا گیا ہے، جوں ہی یہ بال بھارت سے امریکہ روانہ ہونگے، انہیں چند روز کے لئے عوامی نمائش کے لئے بھی رکھا جائے گا، بعدازاں انہیں ورلڈ گینس بک کے میوزیم میں منتقل کردیا جائے گا۔

یاد رہے کچھ سال پہلے ، ایک پاکستانی لڑکی نے بھی شوکت خانم میموریل ہسپتال کے کینسر کے مریضوں کو عطیہ کرنے کے لئے اپنے 23 انچ کے بال کاٹ کر بالوں کو عطیہ کر دیا تھا۔