محبت میں دھوکہ،خاتون نے آشنا کو مردانہ صلاحیت سے محروم کردیا

لاہور کے علاقے ہربنس پورہ میں خاتون نے آشنا کو گھر بلا کر مردانہ صلاحیت سے محروم کر دیا۔

پولیس کے مطابق ہربنس پورہ میں اقبال نامی شخص کے ممتاز نامی خاتون سے مراسم تھے، خاتون نے اقبال کو اپنے گھر بلایا اور تیز دھار آلے سے اس کے جسم کا نازک حصہ کاٹ دیا۔

اطلاعات کے مطابق ، 37 سالہ اقبال نامی متاثرہ شخص صوبہ پنجاب کے شہر وہاڑی کا رہائشی ہے جبکہ خاتون چھ ماہ قبل کام کے سلسلے میں لاہور چلی گئی تھی۔ پولیس کو رپورٹ میں اقبال نے بتایا کہ خاتون سے اس کا پچھلے اٹھارہ سال سے تعلق ہے اور یہ دونوں ایک ہی علاقے کے رہائشی ہیں۔

متاثرہ شخص اقبال نے یہ بھی بتایا کہ کچھ دن پہلے ، خاتون نے اسے اپنے گھر بلایا جہاں خاتون کو کسی بات پر غصہ آیا اور اس نے تیز دھارے والے ہتھیار سے اس پر حملہ کیا اور اس کےنازک حصے کو کاٹنے کی کوشش کی اور پھر خاتون نے اس کو ایک کمرے میں بند کردیا اور پھر خود وہاں سے چلی گئی۔ جبکہ زخمی اقبال مدد کے لئے چلاتا رہا بعدازاں پھر پڑوسیوں نے اسے اسپتال منتقل کیا۔

علاوہ ازیں ، پولیس نے زخمی اقبال کی مدعیت میں خاتون ممتاز کے خلاف مقدمہ درج کر کے گواہوں کے بیانات قلمبند کر لئے ہیں اور جرائم کی جگہ سے فرانزک ڈیٹا بھی اکٹھا کرلیا ہے۔

تاہم دیگر اطلاعات یہ بھی ہیں کہ متاثرہ شخص اقبال، ممتاز نامی خاتون کو بلیک میل کررہا تھا جس کے نتیجے میں اس نے یہ قدم اٹھایا۔

خیال رہے کہ اس طرح کا یہ پہلا واقعہ نہیں ہے اس سے قبل فیصل آباد کی ایک خاتون نے بھی 28 سالہ شخص کو مردانہ صلاحیت سے محروم کردیا تھا۔ اس کے حوالے سے بتایا جاتا ہے کہ یہ شخص 25 سالہ خاتون سے زیادتی کرنے کی کوشش کر رہا تھا۔

واضح رہے بدقسمتی سے ملک میں روز بہ روز خواتین سے عصمت دری کے واقعات بڑھ رہے ہیں۔ ضرورت اس امر کی ہے کہ حکومت پاکستان ان واقعات کی روک تھام کے لئے موئثر اقدامات کرے اور خواتین کو تحفظ فراہم کرے۔

Courtesy: Express Tribune