محبت کی شادی سے انکار، بیٹے نے باپ کی جان لے لی


0

کہتے ہیں محبت انسان کو اندھا کردیتی ہے لہذا محبت کرتے وقت انسان کو سوچ لینا چاہئے کہ اس کے نتائج اچھے ثابت بھی ہونگے یا نہیں، کیونکہ غلط نتائج انسان کی بقیہ زندگی کو بری طرح بربار کردیتے ہیں۔ اس کی سب سے بڑی مثال کراچی میں ہونے والا حالیہ واقعہ ہے جن میں ایک نوجوان نے محبت کی خاطر اپنے سگے باپ کی ہی جان لے لی۔

تفصیلات کے مطابق کراچی کے علاقے کلفٹن میں پیش آیا ایک دل دہلا دینے والا واقعہ جہاں محبت نے ایک نوجوان کا خون اس حدتک سفید کردیا کہ محبت کی شادی پر انکار کرنے والے سگے باپ کو ہی نوجوان نے اپنے ہاتھوں سے موت کے گھاٹ اتار دیا۔

واقعہ کچھ یوں ہے کہ دو روز قبل کلفٹن کے علاقے شیریں جناح کالونی میں چائنہ پورٹ کے قریب سے ایک معمر شخص کی لاش ملی تھی جس کی بعد میں شناخت 80 سالہ بزرگ شہزاد گل ولد خداداد کے نام سے ہوئی۔ جس پر پولیس کی جانب سے معمر شخص شہزاد گل کی لاش کو میڈیکل کاروائی کے لئے جناح اسپتال کراچی منتقل کردیا گیا، جہاں یہ بات سامنے آئی کہ معمر شخص کا قتل کسی تیز دھار آلے کے وار سے کیا گیا تھا۔

Image Source tribune.com.pk

بعدازاں مقتول شہزاد گل کے بیٹے یاسر کی مدعیت میں پولیس کی جانب سے نامعلوم ملزمان کے خلاف ایف آئی آر درج کرلی گئی۔ جس پر پولیس کی جانب سے ملزمان کو گرفتار کرنے کے لئے فوری طور پر کاروائی کا آغاز کیا گیا، جہاں دوران تفتیش کچھ عجیب و غریب شواہد سامنے آئے، ساتھ ہی پولیس کی تحقیقات میں یہ بات بھی سامنے آئی کہ جائے وقوعہ پر مقتول شہزاد گل اور اس کے بیٹے یاسر کے علاوہ کسی اور کے شواہد کی موجودگی کے کوئی ثبوت نہیں ملے، جبکہ اس دوران ملنے والے تمام شواہد بیٹے یاسر کی طرف شک و شبہات اور سوالات کو جنم دیتے رہے۔

اس دوران پولیس کی جانب سے جب تفتیش کا دائرہ مزید وسیع کیا گیا اور بیٹے یاسر سے قتل کے حوالے سے تفتیش کی گئی جس پر اس نے دوران تفتیش والد کے قتل کرنے کا اعتراف کرتے ہوئے بتایا کہ وہ محبت کی شادی کرنا چاہتا تھا، اس سلسلے میں وہ کافی عرصے سے والد کو منانے کی کوشش کر رہا تھا البتہ والد اس رشتے سے انکاری تھے، اس دوران باپ اور بیٹے کے درمیان کئی بار تلخ کلامی کے واقعات رونما ہوچکے تھے، قتل والے دن بھی ایسا ہی کچھ ہوا کے دونوں باپ بیٹوں کے درمیان تلخ کلامی ہوئی، بات اس حدتک بڑھ گئی کہ بیٹا اپنا ہوش کھو بیٹھا اور اس نے اپنے ہینسگے باپ کو موت کے گھاٹ اتار دیا۔ مجرم کے اقرار جرم کے بعد اب ملزم یاسر پولیس حراست میں ہے، جہاں اس سے مزید تفتیش کی جارہی ہے۔

یاد رہے کچھ روز قبل لاہور میں بھی اس قسم کا واقعہ پیش آیا تھا جہاں ایک سننے اور بولنے کی صلاحیت سے محروم لڑکی نے اپنے سننے اور بولنے کی صلاحیت سے محروم اشنا کے ساتھ مل کر اپنی سگی بزرگ ماں کو چھریوں کے وار کرکے قتل کردیا تھا، جس کے بعد پولیس نے دونوں ملزمان کو حراست میں لے لیا تھا، جہاں دوران تفتیش جہاں لڑکی نے قتل کا اعتراف کیا وہیں وجہ بتاتے ہوئے بتایا کہ اس کی والدہ اس کی پسند کی شادی پر انکاری تھیں۔


Like it? Share with your friends!

0

What's Your Reaction?

hate hate
0
hate
confused confused
0
confused
fail fail
0
fail
fun fun
0
fun
geeky geeky
0
geeky
love love
0
love
lol lol
1
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format