ملیے میوز ایوارڈ یافتہ مریم عباس سے

مریم عباس نیوروکل کی تخلیق کار

مریم عباس  نیشنل یونیورسٹی آف سائنس اینڈ ٹیکنالوجی(نسٹ)کی  ایک طا لبہ ہیں جنہوں نے  انڈسٹریل ڈیزائن میں  گریجویٹ کیا ہے ان کو تھیسس پروجیکٹ”نیوروکل “کےلئے معزز میوز ڈیزائن ایوارڈ سےنوازا گیا ہے۔انہیں”سلور ونر” کاخطاب دیا گیا ہے، جس کے بعد وہ یہ اعزاز حاصل کرنے والی  پہلی پاکستانی  طالبہ بن گئی  ہیں۔

پاکستان میں ڈیزائن کے شعبےمیں یہ ایک ایسا ڈیزائن ہے جس کی مثال کہیں نہیں ملتی۔مریم کے کیرئیر کے ساتھ ساتھ  نیوروکل پاکستان کے لئےبھی ایک نیا سنگ میل ہے۔  

Muse Design Award

میوز ایوارڈ کیاہے؟

میوز ڈیزائن ایوارڈایک بین الاقوامی  مقابلہ ہے جو انٹرنیشنل ایوارڈ ایسوسی ایشن کی طرف سے منعقد کیاجاتا ہے۔  اس مقابلے میں غیر معمولی ،جدید ،تخلیقی  اور  شعبہ ڈیزائن  سے تعلق رکھنے والے شاندار ٹیلنٹ کی حوصلہ آفزائی کی جاتی ہے۔ 

مقابلے میں مریم کاڈیزئن کردہ کھلونا “نیورکل” سب سے زیادہ نمایاں تھا۔ کیونکہ یہ تھراپی کے معاون کھلونوں کے دائرے میں ایک اہم ضرورت کو پورا کرتا ہے۔

نیوروکل کیا ہے؟

نیوروکل ایک تھراپی مددگار کھلونا ہے جسے ہیمپلیجک سیریبرل فالج والے بچوں کی منفرد ضروریات کو پورا کرنے کےلیے ڈیزائن کیا گیا ہے۔

ڈیوائس متاثرہ بچوں میں گرفت کی طاقت، پٹھوں کی نشوونما، مجموعی اور عمدہ موٹر مہارتوں کو بڑھانے کے لیے ایک قابل قدر آلہ ہے۔

مقابلہ جدید تخلیقات، پیش رفت ڈیزآئنز، اور ڈیزائن کے مختلف شعبوں میں شاندار ٹیلنٹ کی حوصلہ افزائی کرتا یے ، جس سے عالمی ڈیزائن کمیونٹی میں عمدگی اور تخلیقی صلاحیتوں کو فروغ ملتا ہے۔