پاکستانی خوبرو اداکارہ ماہرہ خان نے فلمی اور ڈرامائی دنیا میں اپنا منفرد مقام بنانے کے بعد اپنی دوسری شادی کافی شان وشوکت کے ساتھ کی ہے۔
پاکستانی اداکارہ ماہرہ خان اور ان کے شوہر سلیم کریم اپنی شادی کی پروقار اور عالیشان تقریب میں دلکش لباس پہن کر فیشن کے متوالوں کی تمام تر توجہ کا مرکز بن گئے ہیں۔
ماہرہ خان نے تین سال قبل معروف فیشن ڈیزائنر حسان شہریار یاسین (ایچ ایس وائے) کے آن لائن انٹرویو میں بات چیت کرتے ہوئے اپنے دوست سلیم کریم کو اللہ کی طرف سے ایک تحفہ قرار دیا تھا اور ان سے شادی کرنے کے بارے میں امکان ظاہر کیا تھا۔۔
اب گزشتہ یوم ماہرہ خان نے اپنے مداحوں کو انکے تین سالہ صبر کا پھل دیتے ہوئے اپنی شادی کی ویڈیوز جاری کروادی ہیں، یہ ویڈیوز ماہرہ خان نے خود اپنے سوشل میڈیا اکاؤنٹس پر شئیر نہیں کیں لیکن ان کی مینیجر انوشے طلحہ خان اور ان کے بھائی حسان خان کی جانب سے انسٹاگرام اسٹوری پر جاری کی گئیں جس کے بعد تمام سوشل میڈیا پیجز پر وائرل ہوگئیں۔
پاکستانی کی خوبصورت اداکارہ ماہرہ خان نے اپنے پرانے دوست سلیم کریم سے شادی کرلی ہے۔، شادی کی اس سادہ مگر پروقار تقریب کی ویڈیو سوشل میڈیا پر وائرل ہو گئی ہیں۔
تین سال سے ماہرہ خان کے مداح ان کی شادی کے منتظر تھے اور ان کے ہر برائیڈل شوٹ کی تصاویر جاری ہونے پر ان کی شادی کے بارے میں اندازے لگایا کرتے تھے لیکن وہ کسی نہ کسی برانڈ کا برائیڈل فوٹو شوٹ ہوتا تھا۔ اب بالاخر ماہرہ خان نے اپنے دوست سے حقیقتا شادی کرلی ہے۔
ماہرہ خان کی شادی کا عروسی جوڑا پاکستان کے جانے مانے فیشن ڈیزائنر فراز منان نے ڈیزائن کیا ہے فراز منان پاکستان کے علاوہ دوسرے ممالک کی مشہور شخصیات کے لئے بھی اولین ترجیح ہیں۔
پاک وہند کی دلہنیں اپنی شادی پرزیادہ ترسرخ رنگ کا عروسی لباس زیب تن کرتی ہیں لیکن ماہرہ خان نےاپنی بارات کے خاص دن عام دلہنوں کی طرح سرخ جوڑے کے بجائے سفید رنگ کا لہنگا اور چولی پہنا کا انتخاب کیا ہے۔
ماہرہ خان کے برایئڈل ڈریس کی قیمت کا کوئی اندازہ نہیں ہے کہ کتنے کا ہے کیونکہ یہ ماہرہ خان نے کسٹمائز کروایا ہے لیکن اگر فراز منان کے برائیڈل ملبوسات کے قیمتوں کی بات کی جائے تو ان کے عروسی ملبوسات کی قیمت کا آغاز 35 لاکھ سے ہوتا ہے۔
دولہا سلیم کریم نے مشہور شخصیت کے کلاتھنگ برانڈ یوسف بشیر قریشی (وائی بی کیو)کو منتخب کیا۔انہوں نے اپنی شادی کے پر مسرت موقع پر کالے رنگ کی شیروانی کے ساتھ سفید رنگ کا سیدھا پاجامہ پہنا ہوا ہے اور سر پر آسمانی رنگ کا پگڑ پہن رکھا ہے۔
ماہرہ خان کو سفید رنگ بہت پسند ہے اس لئے انہوں نے اپنی عروسی جوڑے کے ساتھ ساتھ شادی کی تھیم بھی سفید رکھی ہے
ماہرہ کی پسند کے مطا بق پاکستانی ویڈینگ پلینر ’میراڈور ویڈننگز‘ نے اس تقریب میں سجاوٹ کیلئے سفید پھولوں کا استعمال کیا اور مہمانوں کیلئے لگائی گئیں میزوں میں بھی جا بجا سفید پھول دکھائی دیے ان کی شادی کی تقریب میں ہر جگہ سفید پھولوں کی بہار تھی۔
اس یادگار تقریب کی فوٹو گرافی کیلئے ماہرہ خان اور سلیم کریم نے پاکستانی فوٹوگرافر ایزاہ شاہین ملک کے ’پیکٹوریزاہ‘ کوہائر کیا ہے
ایزاہ کی کیمرا ٹیکنیک اور ویڈیو گرافی نے ماہرہ خان کی شادی کی تقریب کو چار چاند لگاتے ہوئے ماہرہ اور سلیم کریم کی شادی کے یادگار لمحات کو بے حد خوبصورتی کے ساتھ فلمایا ہے۔
ماہرہ خان نے 2007 میں پہلی شادی علی عسکری سے کی تھی لیکن کچھ وجوہات کی بناء پر 2015 میں ان کی شادی ختم ہوگئی تھی ماہرہ خان کا اپنے پہلے شوہر سےایک بیٹا بھی ہے جس کا نام ازلان ہے جو اب 13 سال کا ہے۔۔
پاکستانی ڈراموں و فلموں کی مشہور و معروف لکھاری بی گل نے انکشاف کیا ہے…
بلاک بسٹر ڈرامہ سیریل عشق مرشد سے شہرت کی بلندیوں کو چھو لینے والی اداکارہ…
پاکستان کا پہلا سیٹلائٹ مشن ’’آئی کیوب قمر‘‘ کو چاند پر روانہ کر دیا گیا۔…
پاکستانی شوبز انڈسٹری کی معروف اداکارہ و ماڈل صحیفہ جبار خٹک اپنی ذہنی صحت سے…
نامور گلوکار عاطف اسلم کی اپنی اہلیہ کے ساتھ بھارتی بزنس مین مکیش امبانی کے…
پاکستان کے نامور گلوکار و موسیقار عاصم اظہر نے اپنےمداحوں کو خوشخبری سنا ڈالی۔ فوٹواینڈ…