کراچی میں نوجوان نے داخلہ فیس نہ ہونے کے باعث خودکشی کرلی

تعلیم ایک ایسی چیز ہے جو آج ہر انسان کی خواہش ہوتی ہے، اگر کوئی انسان خود نہیں پڑھ سکا تو اس کی کوشش ہوتی ہے کہ بچے تعلیم ضرور حاصل کریں، ہمارے ملک میں یقیناً تعلیم ایک مہنگی چیز ہے، غریب کے باعث کئی افراد اس خواب کو بیچ میں ادھورا چھوڑ جاتے ہیں لیکن کئی ایسے لوگ بھی ہیں جو اپنے پیٹ کاٹ کر اپنے بچوں کو تعلیم دلوانے کی ہر ممکن کوشش کرتے تاکہ ان کی اولاد کا آگے اچھا مستقبل ہو۔

یہی نہیں اگر ہم اپنے معاشرے کی بات کریں تو یہاں مڈل کلاس کی ایک بڑی تعداد ہے، جہاں تعلیم والدین کی پہلی ترجیحات میں ہوتی ہے۔ اس دوران والدین کی بچوں سے کافی امیدیں بھی جوڑی ہوتی ہیں، جس کے باعث بچہ ابتدائی تعلیمی دور میں ہی ذہنی تناؤ کا شکار ہوجاتا ہے، اور اکثر و بیشتر اس کے نتائج کافی خراب بھی آتے ہیں۔

ایسا ہی ایک واقعہ کراچی میں پیش آیا جہاں حماد نامی طالب علم نے یونیورسٹی کے داخلے فارم کی فیس نہ ہونے کے بعد خودکشی کرلی۔ بتایا جارہا کہ طالب علم نے حال ہی میں “اے گریڈ” سے انٹر کیا تھا۔

تفصیلات کے مطابق کراچی کے علاقے نیو کراچی کے رہائشی حماد، جوکہ ایک نہایت ہونہار طالب علم تھا، جس نے حال ہی “اے گریڈ ” سے انٹر کے امتحانات میں کامیابی حاصل کی۔ اس زبردست کارکردگی کے باعث وہ کراچی کی سب سے بہترین سمجھے جانے والی این ای ڈی یونیورسٹی میں داخلہ کا خواہش مند تھا، تاہم اس کے والد این ای ڈی یونیورسٹی کے داخلے کی فیس دینے سے قاصر تھے، لہذا غربت سے دلبرداشتہ ہوکر نوجوان. نے پہنکے سے لٹک کر اپنی جان دے دی۔

بظاہر دیکھا جائے تو یہ ایک معمولی خودکشی کا واقعہ ہے لیکن اگر اس پر غور کیا جائے تو یہ عکاس ہے ہمارے معاشرے کی کہ ہمارے معاشرے میں غربت اور بےروزگاری کا آخر کیا عالم ہے۔ ملک میں قابل بچیں موجود ہیں لیکن تعلیم اس حدتک مہنگی کردی گئی ہے کہ ایک غریب آدمی اگر محنت کرکے اچھے نمبر لے بھی لے تو وہ اعلیٰ تعلیم محض اس لئے حاصل نہیں کرسکتا کیونکہ وہ غریب ہے۔

اس واقعے پر حکومت اداروں کو یقیناً کوئی نہ کوئی ضرور لینا چاہئے، اگر فیسسز کم نہیں کروا سکتے تو داخلہ فیس پر کوئی نہ کوئی ایکشن لیا جائے اور معاشرے کے ہر طبقے کو حق دیا جائے کہ وہ انٹری ٹیسٹ میں تو حصہ لے سکے. یہ صرف حماد کی ہی کہانی نہیں بلکہ تمام غریب اور مڈل کلاس لوگوں کے مسائل ہیں، یہی وجہ ہے کہ کئی قابل نوجوان محض پیسے نہ ہونے کے باعث اپنی تعلیم ادھوری چھوڑ دیتے ہیں۔ جس کے باعث ملک میں تعلیم حاصل کرنے والوں کی شرح میں کوئی واضح اضافہ نہیں ہورہا ہے۔