کمر کے درد کا علاج کیسے کریں؟ ماہرین نے بتادیا

روز مراح روٹین ہم سے بیشتر افراد کو کمر درد کا سامنہ کرنا پڑتا ہے . لیکن کیا آپکو معلوم ہے کے کمر كے درد کا علاج اب ممکن ہے. عام طور پر اس درد کا آغاز پسلیوں کے نیچے سے ہوتا ہے اور یہ کولہے تک پھیلتا ہوا محسوس ہوتا ہے۔شروع میں یہ درد زیادہ شدت اختیار نہیں کرتا، لیکن اگر وقت گزرنے کے ساتھ اس کا علاج یا اس درد کو کم کرنے کے لیے احتیاطی تدابیر اختیار نہ کی جائیں تو اس کی شدت میں اضافہ ہو سکتا ہے۔

Kamar Ke Dard Ka Ilaj:کمر کے درد کا علاج

ہر فرد میں کمر درد کی وجوہات مختلف ہوتی ہیں، کچھ افراد کو زیادہ دیر بیٹھنے کی وجہ سے اس درد کا سامنا کرنا پڑتا ہے جب کہ بعض افراد کو کئی دوسری بیماریوں کی وجہ سے اس کا سامنا کرنا پڑ سکتا ہے۔ ماہرینِ صحت کے مطابق کمر کے درد کو نظر انداز کرنا کسی صورت ٹھیک نہیں ہے، کیونکہ یہ ہمارے روزمرہ کے کام اور جسمانی توانائی کو متاثر کرتا ہے، ماہرین اس درد سے نجات کے لئے کیا مشورہ دیتے ہیں آیئے ہم آپ کو بتاتے ہیں۔

کمر درد کا علاج کیسے کریں؟

وٹامن ڈی کی کمی

ماہرین صحت کے مطابق اگر اُٹھتے بیٹھتے وقت آپ کو کمر میں درد محسوس ہوتا ہے اور ہڈیوں سے آواز بھی آتی ہے تو جان لیں کہ آپ کو وٹامن ڈی کی شدید کمی ہے اور اس کی وجہ سے کمر درد ہونا ایک عام بات ہے۔اس درد سے مستقل نجات کے لئے کالے تِل کو اپنی روزانہ کی غذا میں شامل کرلیں اور روزانہ کم سے کم دو چائے کا چمچ کالے ِتل کا استعمال کریں، اس کے استعمال سے آپ کی کیلشیم کی کمی پوری ہوگی اور جسم سے کیلشیم ضائع نہیں ہوگا اس سے آپ کی ہڈیاں مضبوط ہوں گی۔

سپلمنٹس

ماہرینِ صحت کے مطابق کمر درد کے علاج کے لئے میگنیشیم سپلمنٹس کا استعمال سے جسم کے پٹھے پُرسکون رہتے ہیں اور درد میں کمی آتی ہے۔اس کے لئے ضروری ہے کہ ڈاکٹر سے مشورہ کرنے کے بعد ہی کوئی اچھا میگنیشیم سپلمنٹ استعمال کیا جائے۔

اُٹھنے بیٹھنے کا انداز

ماہرین کا کہنا ہے کہ اگر آپ دن بھر بیٹھے رہ کر کام کرتے ہیں تو کوشش کریں کہ بنا جھکے بیٹھیں اور بنا کندھوں کو جھکائیں چلیں تاکہ آپ کی کمر کی ہڈی پر زور نہ پڑے اور اس میں درد نہ ہو، ایکٹو رہنے کی کوشش کریں اور اس کے لئے ورزش کو زندگی کا حصہ بنالیں۔

مزید پڑھیں: کیا آپ جانتے ہیں پیدل چلنے کے فائدے کیا ہیں؟

سگریٹ نوشی سے گریز

کچھ طبی تحقیقات کے مطابق سگریٹ نوشی کرنے والے  افراد میں ریڑھ کی ہڈی کے امراض کے خطرات بڑھ جاتے ہیں۔ سگریٹ نوشی کرنے والے افراد میں کمر درد کا خطرہ چار فیصد تک بڑھ جاتا ہے، کیوں کہ سگریٹ میں پایا جانے والا نیکوٹین ریڑھ کی ہڈی کے مہروں کو کمزور کردیتا ہے جس کی وجہ سے ریڑھ کی ہڈی کے جوڑ اہم غذائیت سے محروم ہوجاتے ہیں۔لہٰذا ضروری ہے کہ تمباکو نوشی کی عادت کو ترک کر کے ریڑھ کی ہڈی کو مضبوط بنایا جائے تاکہ کمر درد کے خطرات کم ہوجائیں۔

مخصوص ورزشیں

ماہرین کے مطابق یوگا سمیت زمین پر پیٹ کے بل لیٹ کر کی جانیوالی ورزشیں کمر درد کو کم کرنے میں کردار ادا کرسکتی ہیں۔پیٹ کے مسلز کو مضبوط بنانے سے کمر کو سپورٹ ملتی ہے جس سے کمر درد کی شدت میں کمی آتی ہے اور اس سے بچاؤ بھی آسان ہوجاتا ہے۔