جنید صفدر اور عائشہ سیف کی شادی ختم ہونے کے پیچھے کیا مریم نواز ہیں ؟حقیقت جانیے۔

جنید صفدر کی طلاق کے بعد سے یہ افواہیں گردش کر رہی ہیں کہ مسلم لیگ ن کی رہنما مریم نواز نے خود اپنے بیٹے کی شادی شدہ زندگی میں سکون نہیں رہنے دیا جس کی وجہ سے یہ رشتہ ختم ہو گیا ۔

Junaid Safdar Ayesha Divorce

تفصیلات کے مطابق سوشل میڈیا پر ایک پوسٹ وائرل ہو رہی ہے جس میں دیکھا جا سکتا ہے کہ عائشہ سیف کے نام سے انسٹا گرام اسٹوری شیئر ہو رہی ہے جس میں کہا گیا ہے اللہ تعالی نے قرآن پاک میں فرمایا ہے کہ میاں بیوی کو اللہ نے ایک دوسرے کیلئے سکون بنایا ہے لیکن میری زندگی میں سکون نہیں ہے

ہاں پیسہ، شہرت اور لگثری لائف اسٹائل آج کل کی زندگی کیلئے ضروری ہے لیکن ان سے سکون حاصل نہیں ہوتا۔

جتنا عرصہ میں اس رشتے میں بندھی رہی، میری زندگی سے سکون ختم رہا۔ایک بیوی کو شادی کے بعد اپنے شوہر سے زیادہ سے زیادہ کیا چاہیے ہوتا ہے ؟ صرف پیار اور سکون اور یہ مجھے میرے شوہرنہیں دے سکے۔

عائشہ نے اپنی بات جاری رکھتے ہوئے مزید کہا کہ میں اپنی طلاق سے خوش ہوں، لیکن شاید میری ساس یہ بھول گئی تھیں کہ میرے لیے پرائیویسی کتنی اہمیت رکھتی ہے اور سکون انسان کا بنیادی حق بھی ہے۔ بہرحال اب مجھے زندگی میں ان سب باتوں کو بھلا کر آگے بڑھنا ہے

جبکہ اصل حقیقت اسکے بالکل الٹ ہے یہ اکاؤنٹ عائشہ سیف کا نہیں ہے بلکہ یہ ایک جعلی اکاؤنٹ ہے جس کو عائشہ سیف کے نام سے منسوب کیا جارہا ہے۔

جنید صفدر کی طلاق کے حوالے سے عائشہ سیف کے جعلی انسٹا اکاؤنٹ سے یہ اسٹوری شئیر کی گئی حالانکہ اکاؤنٹ جو خود کو جنید صفدر کی بیگم ظاہر کرتا ہےاُسکی ڈی پی پر سلمان شہباز کی اہلیہ کی تصویر ایڈیٹ کر کے لگائی ہوئی ہے جو کہ ایک جعلی تیار کردہ اسکرین شاٹ تھا۔

اس کے علاوہ حقیقت تو یہ ہے کہ اس سنگین مسئلے پر اب تک سوشل میڈیا پر مریم نواز یا پھر ان کے خاندان کے کسی بھی فرد نے اس حوالے سے کوئی بھی بیان نہیں جاری کیا ۔ 

گز شتہ روز جنید صفدر نے انسٹاگرام پر اسٹوری لگا کر اپنی طلاق کی تصدیق کردی ہے انہوں نے اسٹوری میں لکھا کہ ’میری طلاق کے حوالے سے چلنے والی خبریں سچ ہیں، یہ انتہائی نجی معاملہ ہے اس لیے میری میڈیا سے درخواست ہے کہ ہماری پرائیویسی کا خیال رکھیں‘۔

انہوں نے مزید لکھا کہ ’مجھے امید ہے اس فیصلے سے ہم دونوں کو سکون مل سکے گا انشاءاللہ، اس بارے میں مزید کچھ نہیں کہوں گا‘۔ انہوں نے عائشہ کے لیے نیک تمناؤں کا اظہار بھی کیا۔

۔جنید صفدر کے نکاح کی  تقریب اگست 2021 میں لندن کے لینزبرا ہوٹل میں ہوئی اور جنید صفدر اور عالشہ سیف کی شادی دسمبر 2021میں ہوئی تھی۔