سلمہ ظفر کے ایک کروڑ کے الزام پر جویریہ سعود کا کرارا جواب

سنئیر ایکٹر سلمٰی ظفر کی جانب سے سوشل میڈیا پر ایک ویڈیو وائرل ہو رہی ہے جس میںں انہوں نے جویریہ سعود پر یہ الزام عائد کیا ہے کہ وہ کام کروا کر معاوضہ نہیں دیتیں اور اب تک جویریہ نے ان کے ایک کروڑ روپے ادا نہیں کئے ہیں۔

اس معاملے پر جویریہ سعود نے بھی اپناموقف بیان کر دیا ہے ان کا کہنا ہے کہ اداکارہ سلمٰی ظفر نے ہمارے ساتھ کئی سال تک کام کیا ہے، اگر ہم انہیں پیسے نہیں ادا کررہے تھے تو انہیں پہلے مہینے ہی کام چھوڑ دینا چاہئیے تھا، انہوں نے سات سال تک ہمارے ساتھ کیوں کام کیا؟ ہمارے ہر پراجیکٹ میں وہ آخر تک ہمارے ساتھ ہی رہیں۔

انہوں نے مزید کہا کہ ہم نے ان کے پیسے بہت پہلے ہی کلیئر کرچکے ہیں پتا نہیں یہ کون سا حساب لگا کر بیٹھی ہوئی ہیں، اچانک ان کو کیا یاد آیا ہے۔ اگر ہم نے ان کے پیسے ادا نہ کئے ہوتے تو ہم اتنے سکون سے زندگی نہ گزار رہے ہوتے۔

جویریہ نے کہا کہ سلمٰی ظفرنے کچھ ماہ قبل مجھ سے ایک کاروبار میں شراکت داری کے لئے کہا تھا جس میں مجھے کوئی دلچسپی نہیں تھی، ان کے بےحد اصرار پر بھی جب میں نے منع کیا تو وہ بُرامان گئیں اور اب ان کی یہ ویڈیو سامنے آگئی۔ جس میں انہوں نے پیسوں پر صرف دو منٹ بات کی ہے باقی تو کردار کشی اور الزام تراشی ہی کی ہے۔

جویریہ نے یہ بھی کہا کہ جب انسان بولتا ہے تو اس کی تربیت کا اندازہ ہوتا ہے لیکن میں ان کو کوئی جواب نہیں دوں گی کیونکہ میری تربیت ایسی ہوئی ہی نہیں کہ کسی پر الزام لگاﺅں یا بدتمیزی کروں اور ویڈیو میں وہ جن لڑکوں کی بات کر رہی ہیں وہ ہماری ٹیم کا حصہ ہیں، حالانکہ ہم ایک سال سے کام نہیں کررہے نہ ہی کوئی ڈرامہ بنایا ہے لیکن ہم انہیں پیسے دے رہے ہیں اور خیال بھی رکھ رہے ہیں اور ان کو اجازت بھی دی ہو ئی ہے کہ اگر باہر سے کوئی کام ملے تو کر لینا۔