ٹک ٹاک طرز کی ایپلیکیشنز ملک میں فحاشی پھیلانے کا سبب ہے، وزیراعظم

وفاقی وزیر اطلاعات و نشریات شبلی فراز کا کہنا ہے کہ وزیراعظم پاکستان عمران خان کی جانب سے متعلقہ اداروں کو احکامات جاری کئے گئے ہیں کہ ٹک ٹاک اور دیگر اس طرح کی ویب سائٹس کو محدود کرنے یا بند کرنے کہ احکامات جاری کئے گئے ہیں۔ کیونکہ اس طرح کی تمام موبائل ایپلیکیشنز معاشرے میں فحاشی اور بیہودگی پھیلانے کا زریعہ بن بن رہی ہے۔

دی نیوز اخبار سے بات کرتے ہوئے وفاقی وزیر اطلاعات و نشریات شبلی فراز کا کہنا تھا کہ وزیراعظم پاکستان معاشرے میں بڑھتی ہوئی فحاشی اور بیہودگی پر بےحد فکرمند ہیں جس کے باعث انہوں نے ملک میں متعلقہ اداروں کو یہ احکامات جاری کئے ہیں کہ ملک میں اگر کوئی چیز پسند کی جارہی ہے یا استعمال کی جارہی ہے اس کے پیچھے مقاصد کیا ہیں اگر منفی ہیں تو اس پر پہلے سے اقدامات آؤٹھائیں اس سے قبل وہ ہمارے معاشرے کی سماجی اور مذہبی روایات کو نقصان پہنچائیں۔

ان کا مزید کہنا تھا کہ وزیر اعظم پاکستان نے اس حوالے سے ان سے کوئی ایک یا دو بار ہی بات چیت نہیں کہ بلکہ ان کی سنجیدگی کا اندازہ اس بات سے لگایا جاسکتا ہے کہ انہوں نے مجھ سے 15،16 بار اس حوالے سے بات کی۔ اس پر وہ ایک جامع حکمت عملی بنانے کے خواہاں ہیں۔ تاکہ معاشرے میں کسی بھی طریقے سے یعنی مین اسٹریم میڈیا، سوشل میڈیا یا اس طرح کی ایپلیکیشنز سے اگر غیر موضوع مواد جاتا ہے تو اس کو روکا جائے۔

وفاقی وزیر اطلاعات و نشریات شبلی فراز نے ملک میں بڑھتے ہوئے زیادتی اور ریپ کیسسز کے حوالے سے بات کرتے ہوئے بتایا کہ وزیراعظم عمران خان کا اس حوالے سے کہنا ہے کہ ملک میں بیہودہ اور فحاش مواد کے بڑھنے کے باعث ملک میں جرائم کی شرح میں اضافہ ہوا ہے جن میں خواتین اور بچوں کے ساتھ زیادتی کے کیسسز بھی شامل ہیں۔ اس ہی حوالے سے وزیراعظم پاکستان عمران خان کا خیال ہے کہ موبائل ایپلیکیشنز جیسے ٹک ٹاک وغیرہ ہمارے معاشرے کا نقصان پہنچا رہیں ہیں لہذا انھیں بند کیا جائے۔

اس سلسلے ميں وفاقی وزیر شبلی فراز کا کہنا تھا کہ انہوں نے وزیراعظم عمران خان سے انہیں بتایا کہ پہلے ہمیں ان موبائل ایپلیکیشنز کے مالکان سے سب سے پہلے رابطہ کرنا چاہئے ، جس میں ان سے در خواست کرنی چاہئے کہ وہ ہماری معاشرتی روایات کا احترام کرتے ہوئے اس حوالے سے ہمیں یقین دہانی کروائیں کہ کوئی نامناسب اور غیراخلاقی مواد ہمارے ہیں نہیں شئیر کیا جائے گا۔

شبلی فراز نے عمران خان کے حوالے سے بات کرتے ہوئے بتایا کہ انہوں نے اپنی پوری زندگی مغرب میں گزاری ہے اور وہ جانتے ہیں کہ ہماری معاشرتی اور سماجی روایات اور اقدار کی کیا اہمیت ہیں۔ جنہیں محفوظ رکھنا کس حدتک ضروری ہے۔ اس ہی دوران ان کا کہنا تھا کہ اس سلسلے میں پیمرا کو بھی احکامات جاری کئے گئے ہیں کہ نجی ٹی وی چینل پر چلنے والے مواد کی بھی جانچ کی جائے۔

جبکہ وزیراعظم پاکستان عمران خان کی جانب سے پاکستان ٹیلی کمیونیکیشن اتھارٹی کو احکامات دیئے گئے ہیں کہ انٹرنیٹ، سوشل میڈیا اور غیر موضوع موبائل ایپلیکیشنز کو فحاش مواد کو پاکستان میں پھیلانے کاو سبب ہیں انھیں روکا جائے۔