کورونا ویکسین نہ کروانے والوں پر ہوائی سفر پر پابندی کے امکان

کورونا وائرس کی چوتھی لہر کے پیش نظر حفاظتی ویکسین نہ لگانے والے لوگوں کے لئے ہوائی سفر پر پابندی عائد ہونے کے امکانات ہیں ، یعنی اب جن لوگوں کے پاس کوویڈ 19 کے حفاظتی ٹیکوں کا کوئی سرٹیفکیٹ نہیں ہوگا ، انھیں 1 اگست کے بعد ہوائی جہاز کے ذریعے سفر کرنے کی اجازت نہیں ہوگی۔

جمعے کے روز نیشنل کمانڈ اینڈ آپریشن سنٹر (این سی او سی) کے اجلاس میں پیش کی جانے والی اس تجویز پر کمیٹی کو وفاقی حکومت کی منظوری کی درکار ہے۔

Image Source: Reuters

وفاقی وزیر برائے منصوبہ بندی ، ترقی ، اور خصوصی اقدامات اسد عمر نے جمعہ کے روز پاکستان میں کوویڈ 19 کی کی چھوتھی لہر کے آغاز کی واضح علامات کے بارے میں متنبہ کیا۔ انہوں نے انتباہ کیا کہ وبائی مرض کی چوتھی لہر وائرس کی شروعات تھی۔

مزید یہ کہ اس ماہ کے آخر میں عید الاضحی کی تعطیل سے قبل نئے اقدامات کا جلد اعلان کیا جائے گا۔ 18 سال سے زائد عمر کے طلباء کو بھی 31 اگست تک ویکسین لگانی چاہیئے ، اور ملک کے اندر سیاحوں کے لئے ہوٹلوں کی بکنگ اور سفر کرنے کے لیئے بھی اب ویکسینیشن کے ثبوت کا ہونا ضروری ہوگا۔

Image Source: Reuters

وفاقی وزیر اسد عمر نے جمعہ کے روز سماجی رابطے کی ویب سائٹ ٹوئٹر پر جاری اپنے پیغام میں کہا کہ 2 ہفتے پہلے کہا تھا کہ آرٹیفیشل انٹیلی جنس کورونا کی چوتھی لہر کا خدشہ ظاہر کررہے ہیں، اب کورونا کی چوتھی لہر کے آغاز کے واضح ابتدائی آثار نظر آرہے ہیں، ایس او پیز کی ناقص تعمیل ، مختلف اقسام کا پھیلاؤ، خصوصا بھارتی اقسام کا وائرس کورونا کی چوتھی لہر کی اہم وجہ ہے۔

اس موقع پر این سی او سی نے کہا ہے کہ مئی سے وائرس کے ڈیلٹا ، بیٹا اور الفا قسمیں پاکستان میں موجود ہیں۔

جمعرات کے روز ، وزیراعظم عمران خان نے ملک میں کورونا کی چوتھی لہر کے خدشے کا اظہار کرتے ہوئے صورت حال خراب ہونے کی صورت میں پابندیاں لگانے کا عندیہ دیا تھا۔ کورونا وائرس کی صورت حال سے متعلق قوم سے خطاب کرتے ہوئے وزیر اعظم کا کہنا تھا کہ کورونا وباء کی صورت حال پرمسلسل نظر رکھے ہوئے ہیں، اس وقت ڈیلٹا وائرس (بھارتی ویرینٹ) پاکستان سمیت پوری دنیا کے لیے بہت بڑا خطرہ بنا ہوا ہے، بنگلادیش میں کورونا کی نئی قسم پھیلنے کے بعد حالات بہت خوفناک صورت اختیار کرگئے۔

خیال رہے کورونا وائرس کے باعث پاکستان میں 22500 زائد اپنی جان کی بازی ہار چکے ہیں۔ لہذا ضروری ہے کہ عوام محتاط رہیں اور ایس او پیز پر مکمل عمل درآمد کریں ۔

یاد رہے ملک بھر میں 10 مارچ سے عام عوام کے لئے کورونا ویکسینیشن مہم کا آغاز کردیا گیا تھا۔ ابتداء میں اس ویکسین مہم کو پیرا میڈیکل اسٹاف اور عمر رسیدہ افراد کے لئے مختص کیا گیا ہے۔ اگرچہ کچھ پیرا میڈیکل کے افراد کی جانب سے ویکسن لگانے سے انکار کی خبریں بھی گردش کرتی رہیں تھیں۔

حکومت پاکستان کی جانب سے ایمرجنسی استعمال کی صورت میں فلحال جن ویکسین کو لگانے کی اجازت دی ہے، جن میں چائنا کی سینو فارم اور کین سینو بائیو جبکہ آکسفورڈ یونیورسٹی کی آسٹرا زینیکا اور روس کی اسپاٹنک 5 شامل ہے

Ahwaz Siddiqui

Recent Posts

میں نے نماز پڑھی تہجد پڑھی قرآن پڑھا مگر میرا ڈپریشن کم نہیں ہوا ،صحیفہ جبار

پاکستانی شوبز انڈسٹری کی معروف اداکارہ و ماڈل صحیفہ جبار خٹک اپنی ذہنی صحت سے…

20 hours ago

کیا عاطف اسلم نے آننت امبانی کی شادی سے قبل کی تقریب میں شرکت کی ہے؟

نامور گلوکار عاطف اسلم کی اپنی اہلیہ کے ساتھ بھارتی بزنس مین مکیش امبانی کے…

3 days ago

عاصم اظہر نے اپنےمداحوں کو خوشخبری سنا ڈالی

پاکستان کے نامور گلوکار و موسیقار عاصم اظہر نے اپنےمداحوں کو خوشخبری سنا ڈالی۔ فوٹواینڈ…

3 days ago

ملیریا ایک جان لیوا بیماری

دنیا بھر میں ہر سال 25 اپریل کو ملیریا کا عالمی دن منایا جاتا ہے۔…

7 days ago

ہیٹ ویو کی خبر پڑھتے ہوئے نیوز کاسٹر بے ہوش

بھارت کے نیشنل براڈکاسٹر دور درشن کے بنگالی زبان کے چینل کی نیوز اینکر نشریات…

1 week ago

ہانیہ عامر ذہنی دباؤ کا شکار

پاکستان کی شوبز انڈسٹری کی معروف اداکارہ ہانیہ عامر نے انکشاف کیا ہے کہ وہ…

2 weeks ago