کینیڈا نے پاکستان اور بھارت کی پروازوں پر عارضی پابندی عائد کردی

کینیڈا کی حکومت نے کہا ہے کہ وہ کرونا وائرس کی وجہ سے جمعرات سے 30 دن کے لئے ہندوستان اور پاکستان سے مسافروں کی پروازیں عارضی طور پر معطل کردی گئی ہیں۔ فیصلہ کورونا وائرس کے پھیلاؤ سے نمٹنے کے لئے سخت اقدامات کے طور پر لیا گیا ہے۔

تفصیلات کے مطابق کینڈین وزیر اعظم جسٹن ٹروڈو نے سیاستدانوں کی شکایت کے بعد یہ فیصلہ کیا کہ اوٹاوا نے کینیڈا میں نئے انفیکشن سے نمٹنے کے لئے کافی کام نہیں کیا ہے۔ لہٰذا پابندی صبح 11.30 بجے سے نافذ ہوگی۔ تاہم پابندی کارگو پروازوں کو متاثر نہیں کریے گی۔

جمعرات کو بھارت نے دنیا کی سب سے زیادہ کورونا وائرس کے مریضوں کی یومیہ تعداد 314،835 ریکارڈ کی گئی ہے۔ جس کی وجہ سے ، اب کینیڈا نے ہندوستان اور پاکستان دونوں کی پروازیں عارضہ طور پر معطل کردی ہیں۔

اس موقع پر کینیڈا کے وزیر صحت پیٹی ہجدو کا کہنا تھا کہ بین الاقوامی آنے والے مسافروں کی کل تعداد میں سے 20 فیصد بھارتی شہری تھے۔ جن کا کینیڈا کے ہوائی اڈے کے عہدیداروں کے ذریعہ ٹیسٹ کیا گیا تو 50 فیصد سے زیادہ افراد کے ٹیسٹ رپورٹس مثبت آئی ہیں۔

نیوز کانفرنس کرتے ہوئے پیٹی ہجدو کا مزید کہنا تھا کہ “ان ممالک سے سفر ختم کرکے ، صحت عامہ کے ماہرین کے پاس اس خطے کی وباء کی تشخیص کرنے کا وقت ہوگا۔ لہٰذا وہ اس صورتحال کا دوبارہ جائزہ لیں گے۔

اونٹاریو اور کیوبیک کے کنزرویٹیو سربراہان نے وزیر اعظم جسٹن ٹروڈو کو جمعرات کے روز ایک خط کے ذریعے درخواست کی تھی کہ ملک میں بین الاقوامی سفری پابندی عائد کی جائیں۔

اس سلسلے میں وزیر ٹرانسپورٹ عمر الغابرا نے کہا کہ کینیڈا ضرورت پڑنے پر دیگر ممالک کی پروازوں پر بھی پابندی عائد کرنے سے دریغ نہیں کرے گا۔

واضح رہے برطانیہ نے پہلے بھی کہا تھا کہ بھارت کو اس کی “ریڈ لسٹ” میں شامل کیا جاسکتا ہے۔ یہ تمام فیصلے کورونا وائرس کے مریضوں کی زیادہ تعداد میں ہونے کی وجہ سے کئے جا رہے ہیں۔ اس فہرست میں پاکستان ، بنگلہ دیش ، کینیا اور فلپائن پہلے ہی شامل ہیں۔

مزید برآں ، فرانس برازیل ، چلی ، ارجنٹائن ، جنوبی افریقہ ، اور بھارت سے آنے والے مسافروں کے لئے 10 روزہ قرانطین نافذ کررہا ہے۔ ادھر متحدہ عرب امارات نے بھارت سے تمام پروازیں معطل کردی ہیں۔ مزید یہ کہ عمان نے یہ بھی کہا کہ وہ بھارت ، پاکستان اور بنگلہ دیش سے سفر معطل کردے گا۔

خیال رہے جمعہ کے روز بھارت نے دنیا کی سب سے زیادہ کورونا وائرس سے متاثرہ مریض رپورٹ ہوئے۔ یہ تعداد 330،000 نئے کیسوں کو پیچھے چھوڑ گئی ہے۔ پاکستان نے رواں سال کے ابتداء میں اپنے کورونا وائرس ویکسینیشن مہم بھی شروع کردی تھی۔ تاہم ، پاکستان میں گزشتہ 24 گھنٹوں میں کورونا وائرس کی وجہ سے مزید 144 اموات ہوئی ہیں۔