بھارتی اداکارہ ٹوئنکل کھنہ ملالہ یوسفزئی کی کہانی سن کر آبدیدہ ہوگئیں

بولی ووڈ اداکارہ ٹوئنکل کھنہ کم عمر ترین نوبل انعام یافتہ اور پاکستانی تعلیمی اور انسانی حقوق کی کارکن ملالہ یوسف زئی کا گفتگو کرتے ہوئے ہوئے آبدیدہ ہوگئیں۔

تفصیلات کے مطابق بھارتی اداکارہ ٹوئنکل کھنہ کی جانب سے اپنے ڈیجیٹل پلیٹ فارم ٹوئیک انڈیا کے لئے پاکستانی بوبل انعام یافتہ ملالہ یوسف زئی کا انٹرویو لیا گیا۔

میڈیا رپورٹس کے مطابق ٹوئنکل کھنہ کا کہنا ہے کہ ملالہ یوسف زئی سے ان کا آڈیو انٹرویو طے تھا تاہم جب ہم نے اسے سیٹ کیا تو وہ ویڈیو پر منتقل ہوگیا۔ لہذا پھر میں نے جلدی سے اپنے بال سمیٹے اور آنکھوں میں کاجل لاگیا تاکہ میں تھوڑی بہتر نظر آؤں۔ البتہ انٹرویو کے آخر میں پھر مجھے اس سے فرق نہیں پڑا کہ میں کیسی لگ رہی ہوں، کیونکہ ملالہ یوسف زئی کی کہانی نے مجھے آبدیدہ کردیا۔

انٹرویو کے دوران اپنی اپنی کامیابی کے حوالے سے بات کرتے ہوئے ملالہ یوسف زئی نے بتایا کہ آج انہوں نے جو بھی مقام حاصل کیا ہے، اس میں میرے والد کا بہت بڑا کردار ہے۔ کم عمری میں ہی ان کے والد نے ان کی تعلیم پر توجہ دی، کیونکہ ان کے والد کے خیال کے مطابق تعلیم ہی وہ ہتھیار ہے، جس سے خاتون حقیقی طور پر خومختار ہوسکتی ہے.

ملالہ یوسف زئی کا خواتین کی خودمختاری کے حوالے مزید کہنا تھا کہ اس کام کے لئے مرد حضرات کو کردار ادا کرنا پڑے گا۔ جیسے ان کے والد نے ادا کیا۔ جبکہ شخصیت پر بات کرتے ہوئے ملالہ یوسف زئی نے کہا کہ وہ خود کو معروف شخصیت نہیں سمجھتی ہیں اور نہ ہی لوگوں سے ایسا رویہ اختیار کرتی ہیں، جیسا معروف شخصیات رکھتی ہیں۔

واضح رہے 9 اکتوبر سال 2012 کو سوات کے علاقے منگورہ میں طالبان کی جانب سے ملالہ یوسف زئی پر قاتلانہ حملہ کیا گیا تھا تاہم اس حملے کے نتیجے میں ملالہ یوسف زئی شیدید زخمی ہوگئی تھیں جس کے بعد انہیں علاج کے لئے برطانیہ منتقل کردیا۔ جس کے بعد اب تک وہ وہیں پر ہی مقیم ہیں۔

ملالہ یوسف زئی کی جانب سے اس عرصے کے دوران بچوں کی تعلیم کے لئے دنیا کے لئے دنیا بھر میں آواز بلند کرتی رہیں۔ جس پر انہیں سال 2014 میں امن کے نوبل انعام سے بھی نوازا گیا تھا، جس کے بعد وہ دنیا کی کم عمر ترین نوبل انعام یافتہ بنی تھیں۔ یہی نہیں اس دوران حکومت پاکستان کی جانب سے بھی سے ملالہ یوسف زئی کی خدمات کا اطراف کرتے ہوئے انہیں ان کی بہادری پر ستارہ شجاعت سے بھی نوازا جاچکا ہے۔