بولی ووڈ اداکار وجے راز اداکارہ کو ہراساں کرنے کے الزام میں گرفتار

“کوا بریانی” کے فلمی سین سے شہرت حاصل کرنے والے مشہور بھارتی اداکار وجے راز شوٹ کے دوران مبینہ طور پر اپنی ساتھی اداکارہ کو ہراساں کرنے کے جرم میں گرفتار کرلئے گئے ہیں۔

تفصیلات کے مطابق بھارتی اداکار اور ہدایتکار وجے راز پر الزام لگایا گیا ہے کہ انہوں نے اپنی آنے والی ایک فلم کی شوٹنگ کے دوران مبینہ طور پر اپنی ساتھی اداکارہ کو ہراساں کیا ہے۔ ان کے خلاف درج کیے گئے مقدمے کے بعد ، پولیس نے 2 نومبر کو بالی ووڈ اداکار وجے راز کو گرفتار کرلیا۔

اداکار وجے راز اپنی ہٹ فلم” رن” میں “کووا بریانی” جیسے مشہور ڈائیلاگز کی وجہ سے بہترین اداکا رکے طور پر عوام میں مقبول ہوئے۔ بالی ووڈ میں ان کی دیگر قابل ذکر فلموں میں دھمال ، ویلکم ، دیوانے ہوئے پاگل ، اور گلی بوائے وغیرہ شامل ہیں۔

میڈیا رپورٹس کے مطابق پولیس نے منگل کو مبینہ طور پر اپنی ساتھی اسٹار کو ہراساں کرنے کے جرم میں اداکار کو گرفتار کیا ۔ اطلاعات کے مطابق ، اداکار وجے راز ر کو مہاراشٹرا کے گونڈیا شہر کے ایک ہوٹل سے گرفتار کیا گیا ہے۔ جب کہ اداکار وجے راز پر لگا الزام اور ان کی گرفتاری حیران کن ہیں، بھارتی میڈیا کے مطابق، مشہور اداکار کو ضمانت مل چکی ہے۔

پولیس کے مطابق اداکار کو مبینہ طور پر مدھیہ پردیش میں فلم شیرنی کی شوٹنگ کے دوران ساتھی خاتون اداکارہ سے بدتمیزی کرنے کے الزام میں گرفتار کیا ہے۔ اس حوالے سے بتایا گیا ہے کہ وجے راز نے فلم کی شوٹنگ کے دوران کئی بار اپنے ساتھی اسٹار کو ہراساں کیا۔

ذرائع کے مطابق ، وجئے رااز نے 30 سالہ خاتون اداکارہ کو مسلسل ہراساں کیا اور چھیڑا ہے۔ اداکارہ اسی ہوٹل میں ٹھہر ی ہوئی تھیں جہاں ، وجے راز رہ رہے تھے۔ تاہم میڈیا رپورٹس کے مطابق بولی ووڈ اداکار وجے راز نے شام کے وقت گذشتہ تین دن سے کئی بار اپنی ساتھی اسٹار سے بدتمیزی کرنے کی کوشش کرچکے ہیں۔

اس برتاؤ سے تنگ آکر ، اداکارہ نے پیر کی شب مقامی پولیس سے رابطہ کیا اور اس نے باضابطہ طور پر پولیس کو رپورٹ درج کروائی۔ اطلاعات کے مطابق ودیا بالن شیرنی فلم میں مرکزی کردار ادا کر رہی ہیں اور اسی ہوٹل میں مقیم تھیں، جہاں یہ واقع پیش آیا۔

وجےراز اس سال لوٹ کیس اور گلابو سیتابو جیسی فلموں میں نمایاں کردار ادا کرتے نظر آئے ہیں ۔ اس کے علاوہ ، انہوں نے 2019 میں زویا اختر کی فلم گلی بوائے میں رنویر سنگھ کے والد کی حیثیت سے اپنی اداکاری دیکھائی۔ اس فلم میں اپنی اداکاری کے لئے انہیں کافی داد بھی ملی ہے۔

اس سے قبل ایک اور مشہور بھارتی اداکار ، نانا پاٹیکر پر بھی ایک اداکارہ کو جنسی طور پر ہراساں کرنے کا الزام عائد کیا گیا تھا۔ تنشری دتہ نے نانا پاٹیکر پر متعدد بار ہراساں کرنے کا الزام عائد کیا تھا۔

اس کے علاوہ حال ہی میں ، مشہور اداکار عامر خان کی بیٹی نے انکشاف کیا تھا کہ وہ 14 سال کی عمر میں جنسی زیادتی کا نشانہ بن چکی ہیں۔ افسوس کی بات یہ ہے کہ پوری دنیا میں ہراساں کرنے کے واقعات میں دن بدن اضافہ ہوتا جارہا ہے۔