احسن اور منال نوجوانوں کو گمراہ کر رہے ہیں، سابقہ اداکارہ نور بخاری

پاکستان شوبز سے طویل عرصے تک منسلک رہنے والی مشہور و معروف سابقہ فلمی اداکارہ نور بخاری، جنہوں نے کچھ عرصہ قبل دین کے راستے پر چلتے ہوئے، شوبز کی دنیا کو خیرآباد کردیا تھا، اگرچہ ماضی میں تو وہ کافی خبروں میں رہیں ہیں، لیکن میڈیا انڈسٹری کو چھوڑ دینے کے بعد وہ خبروں میں کافی کم ہی نظر آتی ہیں البتہ ان دنوں سوشل میڈیا پر جونئیر اداکارہ کو مشورہ دینے کے حوالے سے وہ کافی خبروں میں ہیں۔

تفصیلات کے مطابق چند روز قبل پاکستان شوبز انڈسٹری کی باصلاحیت اور مقبول ترین جڑواں بہنیں اداکارہ ایمن خان اور اداکارہ منال خان نے اپنی سالگرہ منائیں تھیں۔ عموماً دونوں بہنوں کی سالگرہ کی تقریب ساتھ ہی ہوتی ہے البتہ اداکارہ ایمن خان کچھ عرصہ قبل اداکار منیب بٹ کے ساتھ رشتہ ازدواج میں منسلک ہوچکیں ہیں، لہذا انہوں نے اس بار اپنی سالگرہ اپنے شوہر کے ساتھ ترکی میں منائی تھی۔ جبکہ اداکارہ منال خان کی سالگرہ کی تقریب پاکستان میں ہی ہوئی تھی، جس میں منال خان کے قریبی دوستوں اور کئی ساتھی فنکاروں نے شرکت کی تھی۔

اس دوران منال خان کی سالگرہ کی کچھ تصویریں بھی انٹرنیٹ پر گردش کرتی رہیں، کئی تصاویر تو خود اداکارہ ایمن خان نے سماجی رابطے کی ویب سائٹ انسٹاگرام پر شئیر کی تھیں، جنہیں بڑی تعداد میں مداحوں کی جانب سے تو پسند کیا گیا۔ اس سلسلے میں اداکارہ مناَل خان کے قریبی دوست اور ساتھی اداکار احسن محسن اکرام کی جانب سے بھی انسٹاگرام پر کچھ تصویریں شئیر کی گئی۔

اداکار احسن محسن اکرام کی جانب سے شئیر کردہ کچھ تصاویروں میں سے ایک تصویر سوشل میڈیا پر کافی وائرل ہورہی ہے، جس پر ماضی کی صف اول کی اداکارہ اور شوبز کی دنیا کو خیرآباد کہنے والی سابقہ اداکارہ نور بخاری نے ردعمل کے طور پر اداکارہ منال خان کو مشورہ دے دیا۔

سماجی رابطے کی ویب سائٹ انسٹاگرام کی ایک پوسٹ پر اداکارہ نور بخاری لکھتی ہیں کہ مجھے واقعی اداکارہ منال خان اور اداکارہ ایمن خان بہت زیادہ پسند ہیں، اگر منال خان اور احسن خان کی شادی ہوگئی ہے اور پھر اس طرح کی تصوریں لیکر سوشل میڈیا پر پوسٹ کوئی غلط بات نہیں ہے، لیکن اگر ان کی شادی نہیں ہوئی ہے اور اس کے باوجود وہ نامناسب تصاویر سوشل میڈیا پر پوسٹ کررہے ہیں ، تو پھر یہ نوجوانوں کو گمراہ کررہی ہیں۔ کیونکہ نکاح سے قبل اس طرح کی تصویریں شئیر کرنا درست نہیں ہے۔ ساتھ ہی انہوں نے یہ بھی لکھا کہ “اور ان کے والدین خوش ہیں”.

واضح رہے اداکارہ منال خان کی سالگرہ کی تصویریں سوشل میڈیا پر کافی وائرل ہیں، جہاں مداحوں نے دیگر تصاویر کو پسند کیا وہیں بڑی تعداد نے اس مذکورہ تصویر پر اعتراضات بھی کئے، یہی وجہ ہے کہ شدید تنقید کے بعد اب اداکار احسن محسن اکرام کی جانب سے اس متعلقہ تصویر پر سوشل میڈیا پر رائے دینے کا آپشن ختم کردیا ہے۔

خیال رہے اداکارہ منال خان اور اداکار احسن محسن اکرام کی بڑھتی ہوئی قربتوں اور منال خان کی سالگرہ میں احسن ًمحسن اکرام کے سرپرائز وغیرہ کو دیکھتے ہوئے عوام کی جانب سے سوشل میڈیا پر یہ خیال ظاہر کیا جارہا ہے کہ شاید دونوں شادی کے خوبصورت بندھن میں بھی بنیں، البتہ یہ بات محض ابھی تک قیاس آرائیوں تک ہی محدود ہے، کیونکہ دونوں کی جانب سے فلحال اس طرح کی کسی بھی بات کی تصدیق نہیں کی گئی ہے۔