پانچ جاپانی پھل كے فائدے آپ کی جِلد كے لیے

نارنجی رنگ کا، وٹامنز سے بھرپور پھل املوک ‘جاپانی پھل’ کے نام سے بھی جانا جاتا ہے۔ اس پھل کو جاپان میں کاشت ہونے کی بنا پر جاپانی پھل کا نام دیا گیا ہے۔ اسے انگریزی میں پرسیمون بھی کہا جاتا ہے۔ اس کا ذائقہ ترش اور مزیدار ہوتا ہے۔ اس کا گودا نہایت نرم ہوتا ہے، اس لئے چاہیں صرف اس کا گودا کھائیں یا اسے چھلکے سمیت کھائیں دونوں ہی صورتوں میں جاپانی پھل کے فائدے ہی فائدے ہیں۔

Japani Phal Ke Fayde :جاپانی پھل کے فائدے

غذائی لحاظ سے جاپانی پھل پوٹاشیم، فاسفورس اور وٹامن سی کے حصول کا اچھا ذریعہ ہے۔ ایک 100 گرام پھل میں 70 کیلوریز، 18.59 گرام کاربوہائیڈریٹس، 0.58 گرام پروٹین، 0.19 گرام چکنائی، 3.6 گرام فائبر، 81 مائیکرو گرام وٹامن اے، 7.5 ملی گرام وٹامن سی، 253 مائیکرو گرام بیٹا کیروٹین،  161 ملی گرام پوٹاشیم، 17 ملی گرام فاسفورس، 8 ملی گرام کیلشیئم، ایک ملی گرام سوڈیم اور 150 مائیکرو گرام آئرن موجود ہوتے ہیں۔ان بیشمار وٹامنز اور منرلز کی وجہ سے جاپانی پھل کے فائدے ہماری صحت کے ساتھ ساتھ ہماری جِلد پر بھی مثبت اثرات مرتب کرتے ہیں، کیسے؟ آئیے جانتے ہیں۔

:جِلد چمکدار بناتا ہے

Image Source: Unsplash

جاپانی پھل کا فیس ماسک جلد کو چمک دار بنانے کے لیے بہترین ہے کیونکہ اس میں وٹامن اے، ای اور کیروٹین کی موجودگی جِلد کو قدرتی چمک فراہم کرکے اسے دلکش اور خوبصورت بناتی ہے۔اپنے چہرے پر قدرتی چمک بڑھانے کے لئے اس کا گودا چہرے پر لگائیں اور تیس منٹ کے بعد چہرہ پانی سے دھولیں۔

:بڑھتی عمر کے اثرات کم کرتا ہے

Image Source: Unsplash

جاپانی پھل کے چھلکے میں موجود فائٹو کیمیکل جلد پر نمودار ہونیوالے بڑھتی عمر کے اثرات اور جھریوں سے بچاتا ہے۔ان اینٹی ایجنگ خصوصیات سے جلد جوان اور صحت مند رہتی ہے۔یہ پھل جِلد میں فری ریڈیکل کی افزائش کو روکتا ہے اور جِلد پر بڑی عمر کے اثرات کو ظاہر نہیں ہونے دیتا۔

:جِلد کی زائد چکنائی کو روکتا ہے

Image Source: Unsplash

جِلد میں پائی جانیوالی زیادہ چکنائی جلد کے مساموں کو بند کرتی ہے جس سے مہاسے پھوٹ پڑتے ہیں۔جاپانی پھل کا گودا،کھیرے کے جوس کے ساتھ چہرے پر لگانے سے مساموں کو صاف کرنے اور زائد چکنائی کو روکنے میں مدد ملتی ہے۔

:جِلد کو جھریوں سے بچاتا ہے

Image Source: Unsplash

جاپانی پھل میں موجود آکسی ڈنٹ لائیکو پین قدرتی سن اسکرین کا کام دیتا ہے اور الٹراوائلٹ شعاعوں سے بچاتا ہے، لائیکو پین کا روزانہ استعمال جلد کو دھوپ سے ہونے والے نقصان سے بچا کر جلد پر جھریاں اور لکیریں نہیں پڑنے دیتا۔

مزید پڑھیں: جاپانی پھل املوک کھانے میں مزیدار اور فائدے بےشمار

یوں تو جاپانی پھل کے کئی فائدے ہیں لیکن یہاں آپ کو یہ بتاتے چلیں کہ جاپانی پھل ایک اینٹی آکسیڈنٹ پھل بھی ہے جس کے باعث اس سے بہت سی بیماریوں سے تحفظ میں مدد ملتی ہے، یہ جسم سے فاضل مادوں کو زائل کرنے سمیت دل کی بیماریوں، کینسر، شوگر، ذہنی تناؤ سے بھی بچاتا ہے۔یہ ایک گرم مزاج پھل ہے اس لئے اگر آپ اسے جِلد پر لگانے کے ساتھ کھانا بھی چاہتے ہیں تو ذرا اعتدال میں کھائیے گا۔اس کا ذائقہ تھوڑا ترش ہوتا ہے اسی وجہ سے بہت سے لوگ اسے کھانا پسند نہیں کرتے ہیں لیکن قدرت کے اس خاص پھل کو ضائع نہ کریں، بلکہ اپنی غذا میں شامل کریں اور اس سے فائدہ اٹھائیں۔

Zameer Ali

Recent Posts

پاکستان کو چاند پر پہلا سیٹیلائٹ مشن بھیجنے کا موقع کیسے ملا؟

پاکستان کا پہلا سیٹلائٹ مشن ’’آئی کیوب قمر‘‘ کو چاند پر روانہ کر دیا گیا۔…

10 hours ago

میں نے نماز پڑھی تہجد پڑھی قرآن پڑھا مگر میرا ڈپریشن کم نہیں ہوا ،صحیفہ جبار

پاکستانی شوبز انڈسٹری کی معروف اداکارہ و ماڈل صحیفہ جبار خٹک اپنی ذہنی صحت سے…

2 days ago

کیا عاطف اسلم نے آننت امبانی کی شادی سے قبل کی تقریب میں شرکت کی ہے؟

نامور گلوکار عاطف اسلم کی اپنی اہلیہ کے ساتھ بھارتی بزنس مین مکیش امبانی کے…

4 days ago

عاصم اظہر نے اپنےمداحوں کو خوشخبری سنا ڈالی

پاکستان کے نامور گلوکار و موسیقار عاصم اظہر نے اپنےمداحوں کو خوشخبری سنا ڈالی۔ فوٹواینڈ…

5 days ago

ملیریا ایک جان لیوا بیماری

دنیا بھر میں ہر سال 25 اپریل کو ملیریا کا عالمی دن منایا جاتا ہے۔…

1 week ago

ہیٹ ویو کی خبر پڑھتے ہوئے نیوز کاسٹر بے ہوش

بھارت کے نیشنل براڈکاسٹر دور درشن کے بنگالی زبان کے چینل کی نیوز اینکر نشریات…

1 week ago