ٹوئٹر نے پھر بھارت کے نقشہ کو غلط انداز میں پیش کردیا

سماجی رابطے کی ویب سائٹ ٹوئٹر پر ہندوستان کا غلط نقشہ ظاہر کئے جانے پر ٹوئٹر انڈیا کے منیجنگ ڈائریکٹر منیش مہیشوری کے خلاف ایف آئی آر درج کرلی گئی ہے۔ انفارمیشن ٹیکنالوجی کے نئے قواعد کی تعمیل پر بھارتی حکومت کے ساتھ تنازع کے درمیان ٹوئٹر ویب سائٹ نے بھارت کا غلط نقشہ دکھایا جس میں جموں وکشمیر اور لداخ کو ایک علیحدہ ملک کے طور پر دکھایا گیا ہے۔ اس معاملہ پر بھارت میں ٹوئٹر پر پابندی عائد کرنے کا مطالبہ شروع ہوا اور کافی احتجاج کے بعد کمپنی نے ویب سائٹ سے یہ نقشہ ہٹادیا۔

ٹوئٹر پر غلط نقشے کے اس معاملہ پر شمالی ریاست اتر پردیش میں گروپ بجرنگ دال کی ایک رہنما پروین بھاٹی کی جانب سے درج کردہ شکایت میں کہا گیا کہ ، “اس سے میرے اور ہندوستان کے لوگوں کے جذبات مجروح ہوئے ہیں۔” انہوں نے اسے غداری کا عمل بھی قرار دیا۔ البتہ ٹوئٹر نے اس معاملہ پر تبصرہ کرنے سے انکار کردیا۔

Image Source: Twitter

تاہم اس حالیہ معاملہ پر بھارت کے وزیر برائے ٹیکنالوجی نے بھی ٹوئٹر پر تنقید کی ہے۔ یاد رہے کہ ٹوئٹر نے انفارمیشن ٹیکنولوجی کے وزیر روی شنکر پرساد کے اکاؤنٹ کو ایک گھنٹے کے لئے بند کردیا تھا۔

یہ دوسرا موقع ہے کہ جب ٹوئٹر نے بھارت کے نقشہ کو غلط انداز میں پیش کیا، اس سے قبل ٹوئٹر نے لیہ کو چین کا حصہ دکھایا تھا۔ دراصل امریکی ڈیجیٹل کمپنی ٹوئٹر بھارتی حکومت کے ساتھ سوشل میڈیا کے نئے قواعد پر تنازعہ سے دوچار ہے۔ حکومت نے ملک کے نئے آئی ٹی قواعد کی تعمیل میں ناکامی پر ٹوئٹر پر سخت تنقید کی ہے سوشل میڈیا کمپنی ٹوئٹر نے سات ماہ میں دوسری بار اپنی ویب سائٹ پر ہندوستان کا غلط نقشہ دکھایا (ٹویٹر انڈیا میپ تنازعہ) ہے۔ لہٰذا ٹویٹر انڈیا کے سربراہ منیش مہیشوری کے علاوہ ایک اور کمپنی ایگزیکٹو پر ملک کے آئی ٹی قوانین کے ساتھ ساتھ قوانین کی بھی خلاف ورزی کرنے کا الزام عائد کیا گیا ہے۔ منیش مہیشوری کے خلاف یوپی پولیس نے دوسری بار ایف آئی آر درج کی ہے، اس سے پہلے پولیس انہیں سوشل میڈیا پر ایک ویڈیو پھیلاؤ سے روکنے پر ناکامی کی وجہ سےمبینہ طور پر طلب کیا تھا کیونکہ اس ویڈیو کے سبب مذہبی تنازعات کو بڑھنے میں مدد ملی تھی تاہم یہ معاملہ عدالت میں حل ہوگیا تھا۔

Image Source: Twitter

ہندوستانی حکومت نے 26 مئی کی ڈیڈ لائن کے اندر ڈیجیٹل کمپنیوں پر لاگو نئے آئی ٹی قواعد پر عمل درآمد نہ کرنے کی پاداش میں ٹوئٹر کو قانونی کارروائی سے دی گئی رعایت واپس لے لی تھی ۔ایسی صورتحال میں اسے اپنے پلیٹ فارم پر کسی بھی قابل اعتراض مواد کے لئے قانونی کارروائی کا سامنا کرنا پڑ سکتا ہے۔نیز ،حکومت اور ٹوئٹر کے درمیان اس جاری تنازع کی وجہ سے مائیکرو بلاگنگ پلیٹ فارم بھارت میں ایک ثالث کی حیثیت قانونی طور پر کھو بیٹھا ہے یعنی کہ اگر کوئی صارف غیر قانونی مواد پوسٹ کرتا ہے تو ٹوئٹر اس کا ذمہ دار بن جائے گا۔

مزید پڑھیں: نریندر مودی نے گلوان ویلی کا سودا کردیا، سوشل میڈیا پر عوام کی تنقید

بھارت میں نافذ العمل یہ نئے قواعد سوشل میڈیا کمپنیوں کو صارفین یا متاثرین کی شکایات کے ازالے کے لئے ایک طریقہ کار کو تشکیل دینے کا پابند بناتے ہیں۔اس کے مطابق 50 لاکھ سے زیادہ صارف کی بنیاد والی تمام نمایاں سوشل میڈیا کمپنیاں، ایسی شکایات سے نمٹنے اور ایسے افسران کے نام اور رابطے کی تفصیلات شیئر کرنے کے لئے تقریریں کریں گی۔ لہٰذا ،بڑی سوشل میڈیا کمپنیوں کو ایک کمپیلینس آفیسر، گریوینس آفیسر کے علاوہ دیگر ایگزیکیٹیو کا تقرر کرنے کا پابند کیا گیا ہے اور ان سب کو بھارت کا رہائشی ہونا چاہئے۔

مزید پڑھیں: بھارتی فورسز کا ایک اور ڈرامہ لیکن نتیجہ وہ ہی پرانا

خیال رہے کہ پچھلے سال ڈونلڈ ٹرمپ کے بڑے بیٹے نے ایک ٹوئٹ پوسٹ کی تھی جس میں انہوں نے ہندوستان کے زیر قبضہ جموں و کشمیر کو پاکستان کا حصے بننے کی پیشنگوئی کی تھی۔ دریں اثنا، پاکستانی کابینہ نے گزشتہ سال پاکستان کے نئے نقشہ کی منظوری دی جس میں ہندوستان کے زیر قیادت کشمیر کو اس کے حصے کے طور پر دکھایا گیا۔

Ahwaz Siddiqui

Recent Posts

ڈاکٹر ادیب رضوی کو عالمی طبی اعزاز سے نوازا گیا

کراچی، 12 اپریل:  جنوبی ایشیا کے خطہ میں طب کے میدان میں گراں قدر خدمات خدمات…

3 weeks ago

پاکستان میں نفسیاتی تجزیے کے مستقبل کی تلاش

کراچی،14 اپریل 2025: پاکستان میں نفسیاتی تجزیاتی سوچ کو فروغ دینے کی ایک پرعزم کوشش…

4 weeks ago

شوگر کے مریض رمضان المبارک کے روزے کیسے رکھیں؟

ماہ صیام کے دوران’ روزہ رکھنا ‘ہر مسلمان کی خواہش ہوتی ہے لیکن روزے کے…

2 months ago

رمضان میں سوئی گیس کی ٹائمنگ کیا ہوگی؟

سوئی سدرن گیس لمیٹڈ کمپنی نے رمضان المبارک میں گھریلو صارفین کیلیے گیس کی لوڈشیڈنگ…

2 months ago

سندھ میں نویں دسویں جماعت کے امتحانات کب ہونگے؟

کراچی سمیت سندھ بھر میں اس سال نویں اور دسویں جماعت کا شیڈول تبدیل کر…

2 months ago

فروری میں 28 دن کیوں ہوتے ہیں؟

فروری سال کا وہ مہینہ ہے جو محض 28 دنوں پر مشتمل ہوتا ہے اور…

2 months ago