ٹی وی میزبان کی بدتمیزی پر قومی ہیرو ثمر خان آگ بگولہ

ثمر خان ملک کی وہ بہادر بیٹی جو ناصرف پاکستان کا فخر ہیں بلکہ وہ ملک دیگر خواتین کے لئے عزم و حوصلے کا نشان بھی ہیں۔ ثمر خان جوکہ پیشے کے اعتبار سے ایک ماؤنٹین بائیکر اور ایڈونچر ایتھلیٹ ہیں۔ ان کا شمار پہلے پاکستانی کے طور ہوتا ہے جنہوں نے کلمیانجار اور بیفا گلیشیئرز (قراقرم رینج) کے مقام پر موٹر سائیکل چلائی ہے۔ یہی نہیں بلکہ وہ پچھلے کئی برسوں سے ثمر خان پاکستان میں ایکس اسپورٹس اور سیاحت کو فروغ دینے کے لئے کوشاں ہیں۔ لیکن آپ میں سے کتنے لوگوں نے سوشل میڈیا اور الیکٹرونکس میں ان کے حوالے سے پذیرائی ملتے ہوئے دیکھا ہے؟ لہذا اس ہی سلسلے میں ایک ٹی وی میزبان کی جانب سے نامناسب اختیار کرنے پر ثمر خان کا کہنا ہے پروموٹ کرنے والوں کو چیمپئن کے پاس آنا چاہے۔ آخر انہوں نے یہ سب کہا کیوں؟

کہتے ہیں یہ کسی بھی کھیل کے نمائندہ کھلاڑی کے لئے انتہائی فکرمندی اور دھچکے کی بات ہوتی ہے اگر اسے صحیح موقع اور وقت پر پذیرائی نہ ملے جس کا وہ مستحق ہے۔ اور ایسی یہ ایک شکایت حالیہ ویڈیو پیغام میں ثمر خان کی جانب سے سامنے آئی ہے۔

اس سلسلے میں سماجی رابطے کی ویب سائٹ ٹوئیٹر پر جاری کردہ پیغام میں ثمر خان کا کہنا تھا کہ وہ ابھی ایک ٹی وی پروگرام سے واپس آرہی ہیں، جن کچھ نہیں معلوم تھا کہ وہ کون ہیں، وہ کرتی کیا ہیں، لیکن وہ ایک سوشل میڈیا انفلونسر ہیں، لہٰذا وہ سب کچھ کر سکتے ہیں، انہیں پھر چیمپیئن شپ اور اولمپکس میں بھیجا جانا چاہئے، وہ آپ کے لئے گولڈ میڈل جیت کر لائیں، پارلمنٹ میں بیٹھنا چاہئے تاکہ آپ کے لئے فیصلے کرسکیں، ٹی ٹاک شوز میں ہونا تاکہ وہ تجزیہ کرسکیں۔ کیونکہ ان کے فالورز ہیں، انہیں سب معلوم ہوتا ہے، ان سے اب کچھ کروایا جاسکتا ہے۔

اپنے جاری سوشل میڈیا بیان میں ثمر خان نے سوال کیا، کہ کیا سستی تفریح اور فین فالوئنگ ہی سب کچھ ہے؟ نہیں ایسا نہیں ہے۔ ثمر خان کا مزید کہنا تھا کہ اس بات پر جب ان کی جانب سے اعتراض کیا گیا تو اینکر نے اس سے جانے کا کہہ دیا۔ یہاں یہ سوال آٹھانا بےحد ضروری ہے کیونکہ یہ ناصرف بدتمیزی ہے بلکہ کیا کوئی اپنے قومی ہیروز کے ساتھ ایسا کبھی کرتا ہے؟ یہاں جو عمل اپنایا گیا ہے۔

واضح رہے پاکستانی ایتھلیٹ ثمر خان کا شمار ان بہادر خواتین میں ہوتا ہے جنہوں نے ہمیشہ سے مختلف امور پر اپنی آوازیں بلند کی ہیں۔ کچھ وقت قبل اسلام آباد میں انہیں ایک شخص کی جانب سے پیچھے سے پکڑھ کر ہراساں کرنے کی کوشش کی گئی تھی، جس پر انہوں نے ڈرنے کے بجائے سڑک پر رک ویڈیو بنائی۔

اس حوالے سال 2020 میں انہوں نے یہ بیان دیا تھا کہ ہم لڑکیوں کو باہر جاکر کام کرنے اور اپنی صلاحیتوں کا کوہا منوانے کی ترغیب دیتے ہیں، لیکن معاشرے میں چھپے کچھ انسانوں کے روپ میں جانور انہیں روک دیتے ہیں۔

خیال رہے ثمر خان کے خدشات اور تحفظات یہاں غلط نہیں ہے، انہوں نے بالکل ٹھیک کہا کہ بحیثیت قوم ہمیں اہنی ترجیحات کو طے کرنے کی اشد ضرورت ہے۔ اور اس کی واضح مثال حال ہی میں ایک خاتون کی وائرل ہونے والی ویڈیو جس میں وہ کہتی ہیں کہ پارٹی ہورہی ہے، اس مشہور اداکار صبا قمر اور بالی ووڈ میں بھی ویڈیوز بنائی گئیں ہیں لیکن کیا ہمیں یہ معلوم ہے کہ حال میں پاکستان کی ایک قابل بیٹی نے اے سی سی اے کی امتحانات میں عالمی ریکارڈ قائم کیا ہے۔