بچوں کی 18 سال کی عمر میں شادی لازمی کرائی جائے، رکن سندھ اسمبلی

متحدہ مجلس عمل کے رکن صوبائی اسمبلی سید عبد الرشید نے بدھ کے روز “سندھ لازمی میرج ایکٹ ، 2021” کا مسودہ ایوان میں جمع کروا دیا۔ اس. مسودہ میں 18 سال سے زیادہ عمر کے لوگوں کے لئے شادی کو لازمی قرار دینے کی تجویز دی گئی ہے۔

تفصیلات کے مطابق مجوزہ بل کے مسودے میں کہا گیا ہے کہ 18 سال کی عمر کے بعد بچوں کے والدین اگر شادی نہیں کرواتے ہیں، تو انہیں ضلع کے ڈپٹی کمشنر کے سامنے بچوں کی شادی میں تاخیر کے جواز کی وجہ ایک انڈر ٹریکنگ پر۔بیان کرنی ضروری ہوگی۔

اس مسودے میں مزید بتایا گیا کہ وہ والدین جو ڈپٹی کمشنر کو انڈر ٹیکنگ جمع کروانے میں ناکام رہیں گے، ان میں پھر ہر ایک والدین کو 500 روپے جرمانہ ادا کرنا پڑے گا۔ مزید برآں ،ایم پی اے عبد الرشید نے اس امید کا اظہار کیا کہ سندھ اسمبلی کے تمام اراکین صوبے کے نوجوانوں کے لئے “ترقی ، خوشی اور مثبت راہوں کی سہولت” کے بل کی منظوری میں مدد کریں گے۔

اس سلسلے میں متحدہ مجلس عمل کے رکن صوبائی اسمبلی عبد الرشید نے ایوان میں بل کا مسودہ جمع کرانے کے بعد ایک ویڈیو پیغام جاری کیا، جس میں انہوں نے موقف اپنایا کہ ملک میں معاشرتی بیماریاں، بچوں کے ساتھ زیادتی، نازیبا حرکات اور جرائم کی شرح میں اضافہ ہوا ہے۔ لہذا اس سب کو ہمیں حضور اکرم صلی اللہ علیہ وسلم کی شریعت اور اسلامی تعلیمات کے مطابق حل کرنا چاہئے۔ مسلمان لڑے اور لڑکیوں کو بلوغت کے بعد یا 18 سال کی عمر کے بعد شادی کا حق دیا گیا ہے اور اس کی تکمیل کرنا، بچوں کے سرپرستوں، خاص کر بچوں کے والدین کی ذمہ داری ہے۔

ایم پی اے عبد الرشید کا مزید کہنا تھا کہ شادیوں کی راہ میں رکاوٹیں جیسے بے روزگاری اور زیادہ اخراجات “اسلامی تعلیمات سے دوری کا نتیجہ” ہیں۔ لہذا اگر ہم اسلامی تعلیمات پر عمل پیرا ہوں، تو جلد شادی سے خاندان پر بہت آسانیاں اور برکتیں پیدا ہوتی ہیں۔

لیاری سے رکن صوبائی اسمبلی عبد الرشید نے شادی کے عمل کو آسان بنانے کے لئے بل کے ذریعے حکومت سے مطالبہ کیا ہے کہ وہ اس معاملے میں والدین کے ساتھ نہ صرف تعاون کرے بلکہ اس عمل کو سہل اور کم خرچ بنانے کے لیے ضابطہ اخلاق طے کردے اور شادی میں ہونے والی غیر رسمی تمام سرگرمیوں پر پابندیاں عائد کرے۔ انہوں نے عوام سے بھی درخواست کی غیر ضروری پروگرامات کو ترک کرکے سادہ زندگیوں کا انتخاب کریں۔

مزید پڑھیں: دوسری شادی کرنے پر ایک کروڑ دینار قرض، عراقی بینک کی انوکھی پیشکش

بےروزگاری کے حوالے سے بات کرتے ہوئے ان کا کہنا تھا کہ مسئلہ یہ یے کہ معاشرے میں مسابقت کی طرف رجحان بہت سارے قانونی اور صیحیح طریقے خراب کر چکا ہے۔ لہذا اس حوالے سے ان کا مطالبہ ہے کہ 18 سال کی عمر کء بعد اگر والدین کی بچوں کی شادی نہ کرنے کی وجہ ہے تو، والدین کو اس وضاحت کے ساتھ حلف نامہ جمع کرانا ہوگا کہ کب تک مذکورہ شخص کی شادی کروائی جائے گی۔

جوں سوشل میڈیا پر یہ خبر سامنے آئی، گویا ہر طرف اس کا چرچہ دیکھائی دیا، لوگ اس سلسلے میں اپنی ملی جلی رائے دے رہے ہیں۔ بیشتر افراد کا یہی سوال ہے کہ بلاشبہ شادی جلدی کرنی چاہے تاہم ہمارے معاشرے میں جہاں بےروزگاری ہے، وہیں گھریلو اخراجات کے علاوہ بچوں کی پیدائش کے وقت اسپتالوں کے اخراجات ایک بڑی اہم چیز تصور کئے ہیں۔ سرکاری اسپتالوں کی تعداد نہ ناصرف کم ہے بلکہ مکمل سہولیات بھی میسر نہیں ہیں۔ تو اس اخراجات کی ذمہ داریاں کون اور کیسے اٹھائے گا۔

مزید پڑھیں: ایک جیسے کپڑے پہنے والے میاں بیوی کے جوڑے نے محبت کی مثال قائم کردی

بعدازاں بچوں کی تعلیم وتربیت جوکہ موجودہ دور کی سب سے بڑی ضرورت ہے، لیکن افسوس آج تعلیم کا حصول ہمارے معاشرے میں غریب کا محض خواب ہے، لہذا اگر لوگ نوکری اور روزگاروکے بغیر شادی کریں گے تو تعلیمی اخراجات کون اٹھائے گا۔

لہذا اس طرح کی قانون سازی کو قومی مسئلہ سمجھ کر ایک بحث ہونے چاہے، جس میں ایک جامع حکمت عملی تیار ہونی چاہئے، کہ اگر حکومت ایسی پالیسی بناتی ہے، تو اس کو کس کس طرح اور کس صورت میں عمل درآمد کرایا جائے گا۔