کراچی میں ڈکیتوں نے بیٹی کے سامنے باپ کو گولی مار دی

گزشتہ چند ماہ سے موبائل چھیننے اور ڈکیتی کی وارداتوں میں اضافہ دیکھنے میں آیا ہے۔ کراچی میں امن و امان کی صورتحال تاحال قابل اطمینان نہیں ہوسکی ہے۔ منگل کے روز ایک اندوہناک واقعہ پیش آیا جہاں ڈاکوؤں نے کورنگی کے علاقے میں ایک کم عمر بیٹی کے سامنے اس کے والد کو بے دردی سے گولی مار دی۔

بعدازاں سی سی ٹی وی فوٹیج کی مدد سے انکشاف ہوا کہ ڈاکو باپ کو گولی مار کر فرار ہوگئے جبکہ معصوم لڑکی بری طرح سے خون میں لت پت باپ کو دیکھ کر رو رہی ہے۔

ڈاکوؤں کی فائرنگ سے قتل ہونے والے شخص کی شناخت طاہر کے نام سے ہوئی ہے، وہ اپنی بیٹی کے ہمراہ موٹر سائیکل پر سوار تھے، کہ کورنگی کے علاقے اللہ والا ٹاؤن میں موٹر سائیکل سوار ڈکیتوں نے انہیں گھیر لیا۔

سی سی ٹی وی فوٹیج میں دیکھا جاسکتا ہے کہ مجرموں نے پہلے قیمتی سامان لوٹنے کے لئے شہری کی موٹر سائیکل کو سڑک پر روکنے کی کوشش کی اور بعد میں، انہوں نے مزاحمت کے دوران متاثرہ شخص کی ٹانگ پر فائر کر دیا۔

مسلح ڈاکووٗں کے خوفناک اقدام سے دوچار ہونے کے بعد ، بیٹی اپنے زخمی والد کے ساتھ بیٹھی شدید حیران و پرایشان روتے ہوئے نظر آئی۔ واضح رہے کہ مجرموں کے گولی مارنے سے پہلے باپ کو اپنی بیٹی کو بچانے کی کوشش کرتے بھی دیکھا جاسکتا ہے۔

پولیس کے مطابق، زخمی شہری کی ٹانگ میں گولی لگی تھی۔ زخمی والد کو فوری طور پر طبی امداد دی گئی۔ خوش قسمتی سے، اس کی حالت اب خطرے سے باہر ہے۔

مگر تاحال مجرموں کو گرفتار نہیں کیا جاسکا۔ سرکاری اعداد وشمار کے مطابق، رواں ماہ کراچی میں ڈکیتیوں کی وارداتوں میں مزاحمت کے دوران تقریبا 25 عام شہری زخمی ہوئے ہیں۔

یہاں یہ تذکرہ کرنا ضروری ہے کہ کورونا وبا کی صورتحال سنبھلنے کے بعد سے شہر میں موٹر سائیکل چوری اور چھیننے سمیت جرائم پیشہ سرگرمیاں ریکارڈ سطح تک بڑھ گئی ہیں۔

آئے روز شہر میں ڈاکوؤں کی جانب سے بےگناہ شہریوں کو دن کی روشنی میں لوٹ مار کے واقعات رونماں ہونے سے قانون نافذ کرنے والے اداروں کی ناکامی ظاہر ہوتی ہے۔ افسوس کی بات یہ ہے کہ یہ کوئی پہلا یا آخری واقعہ نہیں۔ حالیہ دنوں میں بڑھتے ہوئے جرائم کی شرح یقیناً تشویش ناک ہے۔ اس سے قبل ، ڈاکوؤں کے ایک گروہ کی دکانوں سے گوشت اور نقد رقم چھیننے کی ویڈیو بھی وائرل ہوئی تھی۔

اس سے قبل سرجانی ٹاؤن میں پاور ہاؤس چورنگی کے قریب شہری کو لوٹنے کے دوران ایک مشتبہ ڈاکو کو مقامی رہائشیوں نے پکڑ کر تشدد کا نشانہ بنایا تھا ، جبکہ اس کا ساتھی موقع سے فرار ہونے میں کامیاب ہوگیا تھا۔