میجر جنرل نگار جوہر پاک فوج کی پہلی خاتون لیفٹیننٹ جنرل بن گئیں

پاک فوج میں میجر جنرل کے عہدے پر تعینات نگار جوہر کو لیفٹیننٹ جنرل کے عہدے پر ترقی دے دی گئی ہے، جس کے بعد اب وہ افواج پاکستان کی پہلی خاتون سرجن جنرل بن گئی ہیں۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے پاک فوج کی میڈیکل کور سے تعلق رکھنے والی میجر جنرل نگار جوہر کو لیفٹیننٹ جنرل کے عہدے پر ترقی دے دی ہے۔ اس ترقی کے بعد میجر جنرل نگار جوہر پاکستان آرمی میں لیفٹیننٹ جنرل کے عہدے پر ترقی پانے والی پہلی خاتون افسر بن گئیں ہیں۔

ترجمان پاک فوج کے مطابق لیفٹیننٹ جنرل نگار جوہر کا تعلق صوبے خیبر پختونخوا کے شہر صوابی کے علاقے پنج پیر سے ہے اور وہ اس وقت ملٹری اسپتال راولپنڈی میں کمانڈنٹ کے طور پر فرائض سرانجام دے رہی ہیں۔

ائی ایس پی آر کے مطابق لیفٹیننٹ جنرل نگار جوہر کو اس ترقی کے بعد سرجن جنرل آف پاکستان آرمی بھی تعینات کردیا گیا ہے۔ لیفٹیننٹ جنرل نگار جوہر جہاں سرجن جنرل آف پاکستان آرمی تعینات ہونے والی پہلی خاتون افسر بنی ہیں وہیں نگار جوہر پاکستان آرمی کی پہلی تھری اسٹار افیسر بھی بن گئیں ہیں۔

یاد رہے 9 فروری سال 2017 میں موجودہ آرمی چیف جنرل قمر جاوید باجوہ نے نگار جوہر کو بریگیڈیئر سے میجر جنرل کے عہدے پر ترقی دی تھی۔ ساتھ ہی نگار جوہر کا شمار پاکستان آرمی میں میجر جنرل کے عہدے تک بھی پہنچنے والی تین خاتون افسران میں ہوتا ہے۔

Ahwaz Siddiqui

Recent Posts

پاکستان میں روبوٹکس کی تعلیم تک رسائی بڑھانے کے لیے پائی اسپیس سائنس ایجوکیشن سینٹر کی توسیعی سرگرمیاں

پاکستان بھر میں پسماندہ طبقات، لڑکیوں اور معذور طلبہ کے لیے روبوٹکس کی تعلیم کے…

2 weeks ago

کوک اسٹوڈیو Nu.WAV کا پانچواں گانا ’’قسم‘‘ ریلیز، شے گل اور افیوسک کی آوازوں کا منفرد امتزاج

کوک اسٹوڈیو Nu.WAV نے اپنے چھٹے اور آخری میوزیکل ریلیز سے قبل پانچواں گانا ’’قسم‘‘…

2 weeks ago

کوک اسٹوڈیو Nu.WAV کی چوتھی پیشکش ’’شبنم‘‘ ریلیز، مانو اور زوہا وسیم کی آوازوں کا منفرد امتزاج

لاہور: کوک اسٹوڈیو Nu.WAV نے اپنے میوزک پروجیکٹ کی چوتھی پیشکش ’’شبنم‘‘ ریلیز کر دی،…

4 weeks ago

آئی ٹیل انرجی کی سولر پاکستان ایکسپو میں جدید بیٹری کی نمائش، کمرشل و صنعتی شعبے میں توسیع کا اعلان

آئی ٹیل انرجی نے سولر پاکستان ایکسپو 2026ء میں جدید جنریشن ٹو بیٹری، آر ای…

1 month ago