منہ سے بدبو آنے جیسا ناگوار تجربہ سب ہی رکھتے ہیں جو نہ صرف ہمارے لیے شرمندگی کا باعث بنتا ہے بلکہ اس کیفیت کے بعد سامنے بیٹھا شخص بھی ہم سے دوری اختیار کرنے پر مجبور ہوجاتا ہے ۔
آپ کو یہ جان کر حیرانی ہوگی کہ دُنیا میں 80 ملین سے زیادہ لوگ اس مسئلے کا شکار ہیں اور بُرش کرنے کے باوجود وہ مُنہ کی بدبو سے چھٹکارا حاصل نہیں کر پاتے۔
منہ سے بدبو آنا ایک ایسا مسئلہ ہے جس کی وجہ سے آپ اپنے دوستوں کی محفل میں شدید تنقید کا نشانہ بھی بن سکتے ہیں۔
طبی ماہرین کی رائے کے مطابق منہ سے مسلسل بدبو آنے کی وجہ وہ جراثیم ہوتے ہیں جو منہ کے اندر موجود ہوتے ہیں، یہ جراثیم انسان کے منہ کے اندر ایسی گیس پیدا کرتے ہیں جس کی وجہ سے منہ سے بدبو آنے لگتی ہے۔
منہ سے مستقل بو کی وجہ زبان کے اوپر بیکٹیریا کا اکٹھا ہونا ہے، یہ بیکٹیریا اس وقت مزید پھلتے پھولتے ہیں جب ہمارا منہ خشک ہوتا ہے
عام لفظوں میں یوں بھی کہا جاسکتا ہے کہ دراصل جب انسان کچھ بھی کھاتا ہے تو یہ جراثیم منہ میں موجود شکر اور اسٹارچ کو توڑتے ہیں جس کی وجہ سے بدبو آتی ہے۔
ہر انسان کی سانس کی بدبو مختلف ہوتی ہے ، جو کہ کسی اندرونی یا بیرونی وجہ پر منحصر ہے۔ کچھ لوگ اپنی سانس کے بارے میں بہت زیادہ پریشان ہوتے ہیں حالانکہ ان کے منہ میں بدبو نہیں ہوتی ہے ، جبکہ دوسروں کی سانس خراب ہوتی ہے اور وہ اسے نہیں جانتے۔ چونکہ اس بات کا اندازہ لگانا مشکل ہے کہ آپ کی اپنی سانس کی خوشبو کیسی ہے ، اپنے قریبی دوست یا رشتہ دار سے پوچھاجاسکتا ہے کہ آپ کے منہ کی بدبو کیسی ہے اور اپنے سانس کی بدبو سے متعلق سوالات کی تصدیق کی جاسکتی ہے۔
زیادہ تر بری سانس کی وجوہات آپ کے منہ سے شروع ہوتی ہے ،اس کے علاوہ اور بھی بہت سی ممکنہ ۔وجوہات ہوسکتی ہیں جو کہ مندرجہ ذیل ہیں۔
منہ میں بدبو کی وجہ عارضی یا مستقل بھی ہوسکتی ہے، عارضی بو کھانوں کی وجہ سے ہوتی ہے، کچھ کھانے مثلاً پیاز اور لہسن وغیرہ کے کھانے سے منہ سے وقتی طور پر بدبو آتی ہے جس کی وجہ یہ ہے کہ جب یہ خوارک خون میں ملتی ہے تو پھیپھڑوں سے سانس خارج ہونے کے بعد منہ سے بو آتی ہے۔
کافی اور چائے کے استعمال سے نہ صرف دانت خراب ہوتے ہیں بلکہ اس سے منہ سے بھی بو آتی ہے۔
اگر آپ روزانہ برش اور فلوس نہیں کرتے ہیں تو ، کھانے کے ذرات آپ کے منہ میں رہ جاتے ہیں ، جس کی وجہ سے منہ سے بدبو آتی ہے۔ بیکٹیریا کی ایک تہہ یا پلاک،آپ کے دانتوں پر بن جاتی ہے۔جس کی وجہ سے آپ کی زبان پر بھی وہ بیکٹیریا پیدا ہوسکتا ہے جو بدبو پیدا کرتا ہے۔ دانت جو باقاعدگی سے صاف نہیں کئے جاتے ہیں یا مناسب طریقے سے فٹ نہیں ہوتے ہیں ان میں کھانے کے ذرات پھنس کر منہ میں بدبو پیدا کرنے والے بیکٹیریا پیدا کر سکتے ہیں؛۔
تھوک آپ کے منہ کو صاف کرنے میں مدد کرتی ہے ،اور ایسے ذرات کو ہٹا دیتی ہے جو بدبو پیدا کرتے ہیں۔ ایسی حالت کو خشک منہ یا زیروسٹومیا کہا جاتا ہے خشک منہ قدرتی طور پر نیند کے دوران ہوتا ہے ، جس کی وجہ سے “صبح کی سانس” بدبودار ہوتی ہے اور اگر آپ منہ کھول کر سوتے ہیں توآپکی سانس مزید خراب ہوسکتی ہے۔ دائمی خشک منہ آپ کے تھوک کے غدود اور کچھ اور بیماریوں کی وجہ سے ہوسکتا ہے۔
جو لوگ سگریٹ پیتے ہیں ان کے منہ سے ناگوار بو آتی رہتی ہے ۔
مزید پڑھیے آٹھ تمباکو نوشی کے نقصانات آپکی صحت پر کیا ہیں؟:
بعض ادویات ایسی ہوتی یں جن کے استعمال سے منہ سے بو آنا شروع ہوجاتی ہے۔اگر آپ کو کبھی ادویات استعمال کرنے کی وجہ سے ایسا ہو تو پریشان مت ہوں اور کچھ دن انتظار کریں اور ساتھ ہی دودھ اور دہی کا استعمال کریں،یہ مسئلہ حل ہوجائے گا۔
زبان کی سرجری کے بعد کے زخموں کی وجہ سے سانس کی خرابی ہوسکتی ہے ، جیسے دانت نکلوانا ، یا دانتوں کی یا مسوڑھوں کی بیماری کی وجہ منہ ، ناک اور گلے کے دیگر مسائل کی وجہ سے بھی سانس میں بدبو پیداہوسکتی ہے – اور ٹانسلز میں انفیکشن یا دائمی سوزش بھی منہ کی بدبو میں حصہ ڈال سکتی ہے اور سانس کی بدبو کا سبب بن سکتی ہے۔
دنیا بھر میں کروڑوں افراد منہ کی بدبو دور کرنے کے لیے ہر سال لاکھوں روپے ماؤتھ واش اور منٹس جیسی اشیاء پر خرچ کرتے لیکن کچن میں کچھ چیزیں ایسی بھی موجود ہیں جنہیں استعمال کرتے ہوئے بآسانی اس ناگوار بدبوسے پیچھا چھڑاسکتے ہیں۔
نمک کے پانی سے کلی کرنا فوری طور پر منہ کی بدبو دور کرنے کا قدرتی طریقہ ہے اس کے لیے ایک گلاس گرم پانی میں تھوڑا سا نمک ڈال کر اسے اچھے سے حل کرلیں ، 30 سیکنڈ تک اس محلول کو منہ میں رکھیں اور پھر کلی کریں یہ عمل 2 سے3 مرتبہ پھر دہرائیں۔
ایک تحقیق کے مطابق ٹی ٹری تیل کا استعمال منہ سے بدبو پیدا کرنے والے بیکٹریا سے لڑنے میں نہ صرف مددگار ہے بلکہ ان بیکٹیریا کی تعداد کو کافی حد تک کم کرتا ہے۔
ٹی ٹری آئل کے چند قطرے ٹوتھ پیسٹ میں ڈال کر یا پھر صرف ٹی ٹری آئل سے دانت برش کرکے بھی منہ کی بدبو دور کی جاسکتی ہے۔
اس کے لیے ایک کپ گرم پانی میں چند قطرے ٹی ٹری تیل شامل کرکے اچھی طرح منہ میں گھما کر کلیاں کرنا بہت مدد گار ثابت ہوتا ہے۔
لونگ سے بھی سانسوں کو تروتازہ کرنے اور منہ کی بدبو دور کرنے میں مدد مل سکتی ہے، اس کا دوسرا فائدہ یہ ہے کہ لونگ جراثیم سے لڑنے اور دانتوں کو سڑنے سے بھی محفوظ رکھتی ہے لہٰذا دن بھر میں چند لونگیں چوس کر بھی دن بھر میں کچھ بار استعمال کی جاسکتی ہیں۔
لیکن لونگ کا تیل اور پاؤڈر استعمال نہ کریں۔
اگر آپ کو بھی پیاز اور لہسن کھانے کے بعد منہ کی بدبو جیسی ناگوار کیفیت کا سامنا ہے تو سیب کا سرکہ استعمال کرکے اس بدبو سے چھٹکارا پایا جاسکتا ہے۔
ایک گلاس پانی میں تھوڑا سا سیب کا سرکہ ڈال کر اچھی طرح مکس کریں اور پھر منہ میں ڈال کر اچھی طرح کلی کریں، یہ قدرتی ماؤتھ واش بھی آپ کو منہ کی بدبو سے چھٹکارا دلائے گا۔
منہ سے بدبو آنے کی ایک بڑی وجہ معدے میں تیزابیت کا ہونا ہے جو عام طور پر زیادہ گوشت کھانے یا بازاری کھانے کھانے سے پیدا ہوتی ہے۔ تازہ سبزیاں اور پھل کھانے سے جہاں اور بہت سے فائدے ہوتے ہیں وہاں یہ منہ میں Saliva کی پروڈکشن بڑھاتے ہیں جس سے خوراک جلد ہضم ہونے میں مدد ملتی ہے اور منہ سے بدبو پیدا کرنے والے بیکٹریا صاف ہو جاتے ہیں۔
اگرمنہ سے بدبو محسوس ہورہی تو سیب اور گاجر کا استعمال کریں، یہ عمل منہ کی بدبو کے لیے برش کاکام کرے گا اور دانتوں میں پھنسے بیکٹیریا کو دور کرنے میں مدد دے گا۔
سیب اور گاجر نظام انہضام کو تندرست رکھنے میں انتہائی مددگار ہیں، نظام انہضام خراب ہو تو پیٹ میں گیس پیدا ہوتی ہے اور پیٹ کی گیس جب مُنہ کے راستے خارج ہوتی ہے تو سانس بدبودار کر دیتی ہے، سیب اور گاجر کو چبا چبا کر کھانے سے پیٹ میں گیس پیدا نہیں ہوتی اور یہ سانس کو تازہ رکھتے ہیں۔
اگرمنہ خشک ہوجائے تو پھر بھی منہ سے بو آتی ہے۔ پانی کا زیادہ سے زیادہ استعمال کریں تا کہ منہ خشک نہ ہو اور منہ سے بو بھی نہ آئے۔
پانی پینے سے منہ اور دانتوں میں پڑے خوراک کے چھوٹے ذرات صاف ہوجاتے ہیں اور یہ ذرات اگر دیر تک مُنہ یا دانتوں میں پھنسے رہیں تو بدبو پیدا کرنا شروع کر دیتے ہیں، لہٰذا پانی کی ایک بوتل ہمیشہ اپنے ساتھ رکھیں اور تھوڑی تھوڑی دیر بعد پانی پیئں، اس سے نہ صرف آپ کا جسم ہائیڈریٹ رہے گا بلکہ یہ خوراک کو جلد ہضم کرنے میں بھی آپ کی مدد کرے گا۔
تحقیق میں یہ بات سامنے آئی ہے کہ دہی کھانے سے منہ میں موجود خطرناک بیکٹیریا ختم ہوجاتے ہیں۔لہذادہی کا استعمال کرنا چاہیے۔ دہی میں شامل انسان دوست بیکٹریا خوراک کو جلد ہضم کرنے میں انتہائی مفید ہیں، جس سے مُنہ کی بدبو بھی ختم ہوتی ہے۔ مگر دہی کو چینی ڈال کر استعمال نہیں کرنا چاہیے وگرنہ یہ تیزابیت کا باعث بن سکتا ہے۔
سبز چائے کا قہوہ بے شمار خُوبیوں کا حامل ہے یہ جہاں ہمارے دماغ کی کارکردگی کو بہتر بناتا ہے وہاں جسم کی فاضل چربی کو پگھلانے میں بھی انتہائی مددگار ہے، سبز چائے کا قہوہ جسم سے فاضل مادوں کو خارج کرتا ہے اور سانس میں بدبو پیدا کرنے والے عناصر کا خاتمہ کردیتا ہے۔
خوشبو دار مصالحہ سونف اور الائچی بھی بدبو دور کرنے میں مدد دیتے ہیں۔ اپنے منہ میں ایک الائچی چپا کر تھوڑی دیر رکھ لیجیے ایسا کرنے سے منہ کی بدبو اسی وقت ختم ہوجاتی ہے۔
لیموں، کینوں، مالٹے اور دُوسرے سٹرس فروٹس جہاں وٹامن سی سے بھرپور ہوتے ہیں وہاں یہ جسم کے فاضل مادوں کو خارج کرکے نظام انہضام کو فعال کر دیتے ہیں جسے سے سانس کی بدبو ختم ہوجاتی ہے اور مُنہ کا ذائقہ بھی مزیدار رہتا ہے۔
کھانے کے بعد تھوڑا سا پودینہ چبانے سے بھی ;مُنہ کی بدبو ختم ہو جاتی ہے اور منہ کا ذائقہ تروتازہ ہو جاتا ہے، پودینہ نظام انہضام کو بھی بہتر بناتا ہے اور خوراک کو جلد ہضم کرنے میں مددگار ہے۔
اگر آپ کی سانس کی خرابی آپ کے دانتوں پر بیکٹیریا یا پلاک کے جمع ہونے کی وجہ سے ہے تو ، آپ کا دانتوں کا ڈاکٹر منہ کو صاف رکھنے کے ایسا ماوتھ واش تجویزکرسکتا ہے جو بیکٹیریا کو مارسکتا ہو۔ ا دانتوں کا ڈاکٹر ایسے ٹوتھ پیسٹ بھی تجویز کرسکتا ہے جس میں اینٹی بیکٹیریل ایجنٹ ہوتا ہے تاکہ اس بیکٹیریا کو ختم کیا جاسکے جو پلاک بننے کا سبب بنتے ہیں۔
کچن میں موجود اشیاء سے بھی ماؤتھ واش بنایا جاسکتا ہے۔
ایک کپ گرم پانی میں آدھا چمچ دارچینی، دو لیموں کا عرق، ڈیڑھ چمچ شہد، آدھا چمچ بیکنگ سوڈا شامل کرکے اچھی طرح مکس کرلیں اور پھر جار میں ڈال کر ماؤتھ واش کے طور پر استعمال کریں۔
کراچی،14 اپریل 2025: پاکستان میں نفسیاتی تجزیاتی سوچ کو فروغ دینے کی ایک پرعزم کوشش…
سوئی سدرن گیس لمیٹڈ کمپنی نے رمضان المبارک میں گھریلو صارفین کیلیے گیس کی لوڈشیڈنگ…
کراچی سمیت سندھ بھر میں اس سال نویں اور دسویں جماعت کا شیڈول تبدیل کر…
فروری سال کا وہ مہینہ ہے جو محض 28 دنوں پر مشتمل ہوتا ہے اور…
پاکستان کرکٹ ٹیم کیلئے چیمپئنز ٹرافی کے اگلے راؤنڈ تک جانے کا سفر مشکل ہوچکا…