اداکارہ مہوش حیات ہوئیں واسع چوہدری سے کیوں خفا؟

اداکارہ مہوش حیات نے اداکار احمد بٹ کے موٹاپے کا مذاق آڑانے پر ساتھی اداکار واسع چوہدری سے ناراضگی کا اظہار کرتے ہوئے، اس حوالے سے انہیں تنبیہ کردی۔

تفصیلات کے مطابق پاکستان کی مشہور ومعروف اداکارہ مہوش حیات نے نجی ٹی وی چینل کے پروگرام “گھبرانا منع ہے” میں شرکت کی، اس پروگرام کی میزبانی کے فرائض اداکار واسع چوہدری کررہے تھے۔ دوران گفتگو میزبان واسع چوہدری نے 13 ویں صدی میں اسلامی فتوحات کی تاریخ پر بننے والا مشہور ومعروف ترکش ڈرامہ سیریز ارتغرل غازی کا حوالہ دیتے ہوئے اداکارہ مہوش حیات سے سوال کیا کہ اگر پاکستان میں ارتغرل غازی کی طرح کا کوئی ڈرامہ بنے تو آپ ارتغرل غازی کے روپ میں کس اداکار کو دیکھنا چاہیں گی؟

اس سوال کے جواب میں اداکارہ مہوش حیات نے جواب دیا کہ وہ اداکار ہمایوں سعید اور اداکار فہد مصطفیٰ کو ارتغرل غازی کے کردار میں دیکھنا چاہئے گی۔ جس پر میزبان واسع چوہدری نے اداکارہ مہوش حیات سے مزید پوچھا کہ ارتغرل غازی کے ساتھی جیسے ترگت اور بامسی کے کردار کون بہتر ادا کرسکتا ہے، جس پر اداکارہ مہوش حیات نے اداکار احمد علی بٹ کا نام لیا۔

جوں اداکارہ مہوش حیات کی جانب سے اداکار احمد علی بٹ کا نام لیا گیا تو میزبان واسع چوہدری نے انتہائی طنزیہ انداز میں حیرانی کا اظہار کرتے ہوئے کہا کہ پلیز میرے سامنے یہ نہ کہیں کہ احمد علی بٹ گوڑے کے اوپر اور گھوڑا بھاگے بھی؟ جس اداکارہ نے جواباً کہا کہ آپ نے احمد علی بٹ کو دیکھا نہیں، وہ اب بہت فٹ ہوگئے ہیں۔

یہی نہیں اداکارہ مہوش حیات نے پروگرام کے میزبان اداکارہ واسع چوہدری کو تنبیہ کرتے ہوئے کہا کہ آپ میرے سامنے کسی کے موٹاپے کے بارے میں بات کرنا بند کریں، جب آپ اپنے دوستوں کے ساتھ بیٹھے ہوں تو آپس میں دوستوں میں کسی کی جسمانی ساخت کے بارے میں بات کریں لیکن جب آپ کسی پلیٹ فارم لر بیٹھ کر کریں گے، تو لوگ سنیں گے اور پھر یہی بات وہ کریں گے، تو تنازعہ جنم لیتا ہے اور اس کے ذمہ دار آپ ہوں گے۔

یقینی طور پر آج ہم ایک تقسیم شدہ معاشرے میں رہتے ہیں، جہاں مختلف وجوہات کی بنا پر آج انسان تقیسم ہے، کہیں امیر اور غریب کی تقسیم ہے، تو کہیں غریب گورے اور کالے کی، تو کہیں موٹے پتلے، تو کہیں چھوٹے اور لمبے کی۔ افسوس کے ساتھ وقت گزرنے کے ساتھ ہم اس تقسیم کو ہی پھر ہم انسان کی شناخت بنادیتے ہیں اور وہ چیز جو انسان کے بس اور اختیار کی نہیں، ایک انسان اسے اپنے زندگی کی ایک کمی سمجھ بیٹھنے لگتا ہے۔ لیکن اب محضب دنیا میں اسے ایک انتہائی برا عمل سمجھا جاتا ہے، کسی بھی قسم کی تقسیم اب ایک طرح سے اخلاقی جرم سمجھا جاتا ہے۔ لہذا اس عمل کو روکنے کے لئے کافی کوششیں جاری ہیں۔