کابل دھماکہ میں بچ جانے والی 3 گھنٹے کی آمنہ دعاؤں کی منتظر

افغانستان کے درالحکومت کابل میں پیش آیا ایک دہشتگردی کا ایک انتہائی المناک واقعہ۔ جس میں ایک اسپتال کے میٹر نیٹی ہوم میں حملہ کرکے کے 24 کے قریب حاملہ خواتین، نو مولود بچوں اور دیگر اسپتال میں موجود خواتین کو ہلاک کردیا گیا۔ جبکہ کئی افراد زخمی اور زیر علاج ہیں۔

انہی زیر علاج میں ایک 4 روز کی معصوم آمنہ بھی ہے۔ جب حملہ ہوا اس وقت اسکی پیدائش کو صرف تین ہی گھنٹے گزرے تھے ۔ حملے میں اس کی سیدھی ٹانگ پر دو گولیاں لگیں تھیں۔ جبکہ بدقسمتی سے اسکی والدہ نادیہ اس حملے میں اپنی جان کی بازی ہار بیٹھی۔ آمنہ اس وقت ایک نجی اسپتال میں زیر علاج ہے اور ڈاکٹروں کا یہ خیال ہے کہ شاید آمنہ کی جان بچانے کے لئے، آمنہ کی ٹانگوں کو اسکے جسم سے علیحدہ کرنا پڑھ جائے۔

آمنہ کی ایک قریبی رشتہ دار نے بی بی سی کی ٹیم سے بات کرتے ہوئے کہا، کہ آمنہ کی والدہ(نادیہ) اس حملے میں ماری جاچکی ہے، آمنہ کا بڑا بھائی اور بڑھی بہن ہے۔ حملے کے وقت آمنہ صرف تین گھنٹے کی تھی۔ زخمی آمنہ کی متاثرہ ٹانگ کا اب تک ایک آپریشن ہوچکا ہے البتہ دو اور ابھی باقی ہیں۔

البتہ جوں جوں یہ خبر اور آمنہ کی تصاویر میڈیا اور سوشل میڈیا پر وائرل ہوئی۔ وہیں پھر دنیا بھر سے معصوم آمنہ کے لئے محبت بھرے پیغامات اور جلد صحتیابی کے لئے بھی دعائے کی جارہیں ہیں۔

رپورٹس کے مطابق اسپتال میں حملے کی وقت 26 کے قریب حاملہ خواتین موجود تھیں۔ جن میں گھنٹوں جاری رہنے والی فارئرنگ کے نتیجے میں 11 خواتین ہلاک، 5 زخمی ہوئیں جبکہ دوران فارئرنگ 3 خواتین عورتیں ڈیلیوری روم میں اپنے بچوں کے ساتھ موجود تھیں۔

بعدازاں حملے کے بعد میڑنیٹی میں موجود 18 بچوں کو فوری طور پر ایک نجی اسپتال منتقل کردیا گیا، جن میں چار روز کی آمنہ بھی شامل ہے۔

یاد رہے یہ حملا اس وقت کیا گیا ہے جب رواں سال فروری کے مہینہ میں امریکہ اور طالبان کے مابین معاہدہ طے پایا گیا تھا اور اور چالیس سالہ جنگ ختم ہونے اور افغانستان میں مستقل امن کی امید تصور کی جاری تھی۔

ہم آمنہ کی جلد صحتیابی اور آچھی صحت کے لئے دعا گو ہیں ۔