انڈین اداکارہ دیا مرزا کی دوسری شادی تصویریں سوشل میڈیا پر وائرل

بالی ووڈ کی مشہور ومعروف خوبصورت اداکارہ دیا مرزا ایک بار پھر سے شادی کے بندھن میں بندھ گئی۔

انڈین میڈیا رپورٹس کے مطابق اداکارہ کی شادی پیر کو بزنس مین ویبھوو ریکھی کے ساتھ 15 فروری کو ممبئی میں ہوئی۔ یہ تقریب ممبئی کے علاقے باندرہ میں بزنس مین ویبھوو ریکھی کے گھر ہوئی ہے جس میں ان کی بیٹی نے بھی شرکت کی۔ میڈیا پر کئی دنوں سے دیا مرزا کی شادی سے متعلق خبریں سامنے آرہی تھیں، اداکارہ نے خود انسٹاگرام اسٹوری میں اپنی مہندی کی تقریبات اور شادی کے جوڑے کی تصاویر شیئر کرکے اس بات کی تصدیق کردی۔

دیا مرزا کی شادی کی تصویریں سوشل میڈیا پر شیئر کی جارہی ہیں۔ اپنی شادی کے موقع پر بالی ووڈ اداکارہ نے لال ساڑھی زیب تن کی اور کندن کی جیولری پہنے نہایت خوش دیکھائی دے رہی ہیں جب کہ ان کے شوہر ویبھوو ریکھی نے سفید کرتے پاجامے پر اسی رنگ کی واسکٹ زیب تن کی۔ اپنی شادی کی صبح دیا مرزا نے سوشل میڈیا پر اپنے برائیڈل شاور اور مہندی لگے ہاتھ کی تصاویر بھی پوسٹ کیں۔

شادی کی سادہ مگر پروقار تقریب میں دونوں خاندانوں کے علاوہ چند قریبی دوست شریک ہوئے۔ شادی کی تقریب کے بعد دونوں میڈیا کے سامنے آئے اور تصویریں کھنچوائیں جبکہ اداکارہ دیا مرزا نے میڈیا کے نمائندوں کو اپنے ہاتھوں سے مٹھائی کھلائی۔

خیال رہے کہ 39 سالہ اداکارہ  کی یہ دوسری شادی ہے، اس سے پہلے انہوں نے فلم پروڈیوسر ساحل سنگا سے شادی کی تھی اور پھران دونوں نے 11 سالہ تعلقات، جن میں 5 سال شادی شدہ زندگی کے بھی شامل ہیں ،علیحدگی کا فیصلہ کیا اور 2019 میں اپنے راستے جدا کرلیے تھے۔

بولی ووڈ اداکارہ کی طرح حال ہی میں پاکستانی اداکار مریم انصاری بھی رشتہ ازدواج میں منسلک ہوگئیں۔ مریم انصاری کی شادی پاکستانی کرکٹ ٹیم کے سابقہ وکٹ کیپر معین خان کے بیٹے اویس خان سے انجام پائی۔ اس جوڑے کی شادی کی تصویریں سوشل میڈیا پر خوب وائرل ہوئیں۔ اس کے علاوہ ٹیلی ویژن کی ایک اور خوبرو اداکارہ سائرہ اصغر بھی شادی کے بندھن میں بندھ گئیں۔انڈین اداکارہ دیا مرزا کی دوسری شادی تصویریں سوشل میڈیا پر وائرل