سردیوں میں موسمی بیماریوں سے بچنےکے آسان گھریلو ٹوٹکے


1
1 point

سردی کا موسم قریب آتے ہی ہمارے کھانے پینے اور پہننے کے معمولات میں چھوٹی بڑی کئی تبدیلیاں آجاتی ہیں۔ تاہم حفاظتی تدابیر کے باوجود بھی اس موسم میں بار بار طبیعت کا خراب ہونا، بخار چڑھنا، نزلہ، زکام، کھانسی اور سردی لگنا جیسے مسائل سامنے آتے ہیں۔ اس موسم کے بارے میں بڑوں کی ایک کہاوت بھی مشہور ہے کہ اس موسم میں اپنے سر اور پیرگرم رکھنے کا اہتمام کریں تو یہ موسم آپ کو کبھی نقصان نہیں پہنچائے گا۔لیکن اگر اس کے باوجود بھی اگر آپ کسی موسمی بیماری کا شکار ہوجائیں تو ان گھریلو ٹوٹکوں پر عمل کر سکتے ہیں۔

Image Source: Unsplash

زکام اور کھانسی کا علاج

Image Source: Unsplash

جوں جوں سردی کا موسم قریب آتا ہے، بچے اور بڑے زیادہ سردی لگنے سے نزلہ ، زکام اور کھانسی کا شکار ہونے لگتے ہیں۔ بچوں میں کھانسی دور کرنے کے لئے ایک چمچ میں شہد لے لیں اور اس کے اوپر تھوڑا سا نمک ڈال کر آنچ پر اس وقت تک رکھیں جب تک شہد پھٹ نہ جائے اس کے بعد اس کو کپڑے میں چھان کر چھنا ہوا پانی بچوں کو دیں تو ان کو کھانسی سے آرام آجاتا ہے۔بعض اوقات بڑوں میں کھانسی پرانی اور شدید ہوجاتی ہے ایسی کھانسی کے لیے انار کے چھلکے کو سیدھے توے پر اس وقت تک رکھیں جب تک وہ اچھی طرح جل جائے اس کے بعد اس کا سفوف بنالیں اور ایک چمچ شہد پر ایک چٹکی یہ سفوف ڈال کر کھائیں تو اس سے پرانی سے پرانی کھانسی کا خاتمہ ہوجائے گا۔جبکہ نزلہ زکام کے علاج کے لیے دہکتے ہوئے کوئلوں پر تھوڑی چینی ڈال کر سونگھنے سے زکام میں افاقہ ہو جائے گا-

گلے کی خراش

Image Source: Unsplash

لوبان کے تیل کے چند قطرے نیم گرم پانی میں ڈال کر غرارے کرنے سے گلے کی تکلیف دور ہوجاتی ہے ساتھ ہی یہ پھیپھڑوں میں بلغم کو ختم کرنے میں  بھی مددفراہم کرسکتا ہے۔ اس طرح سانس لینے میں آسانی پیداہوجاتی ہے۔لوبان کا تیل ناک کے حصّوں میں ایک سوزش کش کے طور پر کام کرتا ہے، سانس لینے کو آسان بناتا ہے، یہاں تک کہ دمہ یا الرجی والے لوگوں کے لیے بھی یہ کسی مسیحا سے کم نہیں ہے۔ان تمام فائدوں سمیت گردن پر اس تیل کا مساج سردی ،نزلہ وزکام میں فوری آرام پہنچاتا ہے۔جبکہ اسے سونگھنا بھی ان امراض میں بے حد مفید ثابت ہوتا ہے۔

سر درد کا علاج

Image Source: Unsplash

سردیوں میں ٹھنڈ لگنے کے اثر سے ہونے والے سر درد کے لیے پیاز کا پانی نکال کر پیشانی پر لگائیں اس سے سر درد میں نہ صرف آرام ملے گا بلکہ سردی کے اثر کا بھی خاتمہ ہوگا۔ جسم کے درد کا علاج:سردی کے سبب ہونے والے جسم کے درد کے لیے ایک کپ دودھ میں تھوڑی سی ہلدی ڈال کر پینے سے جسم کے درد میں آرام ملتا ہے۔

سانس کی تکلیف

Image Source: Unsplash

عام طور پر سانس کے مریضوں کے لیۓ سرد موسم شدید زحمت کا سبب بن جاتا ہے ایسے مریضوں کو چاہیے کہ وہ اپنی غذا میں مولی کا استعمال زیادہ سے زیادہ کریں تاہم اس بات کا خیال رکھیں کہ رات کے وقت مولی کھانے سے گریز کریں۔

مزید پڑھیں: موسم ِسرما میں صحت کا خزانہ ،سنگھاڑا

مزید برآں، موسم سرما میں بیماریوں سے بچنے کے لئے ضروری ہے کہ صحت مند غذا کا انتخاب کریں کیونکہ جب آپ صحت مند غذا لیں گے، تب ہی آپ تندرست رہیں گے۔ ان صحت مند غذاؤں میں مچھلی، دالیں، تازہ سبزیاں، تازہ پھل ،خشک میوے، انڈے اور گوشت شامل ہے، یہ سب غذائیں لینے کے ساتھ ساتھ ایک عدد کینو چھیل کر اس کا رس نکال لیں، اب ایک عدد گاجر کا بھی رس نکال کر اس میں ملا لیں، اب ان دونوں کو مکس کریں اور اس میں آدھا چائے کا چمچ ہلدی شامل کریں پھر لیموں کا رس اور اوپر سے ادرک کا رس ڈال کر مکس کریں اور ٹھنڈا کر کے پی لیں، یہ ایک ایسا جادوئی ڈرنک ہے جو نہ صرف ذائقے میں مزیدار ہے بلکہ سردیوں میں آپ کی قوتِ مدافعت کو بڑھانے کے لئے بہترین ثابت ہوگا۔


Like it? Share with your friends!

1
1 point

What's Your Reaction?

hate hate
0
hate
confused confused
0
confused
fail fail
0
fail
fun fun
1
fun
geeky geeky
0
geeky
love love
0
love
lol lol
0
lol
omg omg
0
omg
win win
0
win

0 Comments

Your email address will not be published. Required fields are marked *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format