سینیٹ الیکشن 2021 کا میدان سج گیا

سینیٹ الیکشن 2021 میں چاروں صوبائی اسمبلیوں اور قومی اسمبلی میں 37 نشستوں کیلئے ووٹنگ کا آغاز ہوگیا ہے ۔ ملک کی پارلیمنٹ کے ایوان بالا کے 104 رکنی اراکین کی 37 نشستوں کے لئے بالواسطہ انتخابات جاری ہیں۔ ملک میں 2018کے عام انتخابات میں پاکستان تحریک انصاف نے کامیابی حاصل کی لیکن عمران خان کے اتحاد کو سینیٹ میں اکثریت حاصل نہیں ہے۔

اس حوالے سے پی ٹی آئی حکومت کو عالمی اداروں کے ساتھ اہم قانون سازی کرنے کی ضرورت بھی تھی جن میں بین الاقوامی مالیاتی فنڈ (آئی ایم ایف) اور منی لانڈرنگ نگران فنانشل ایکشن ٹاسک فورس (ایف اے ٹی ایف) ذریعہ قانونی اصلاحات شامل ہیں۔

وزیر اعظم عمران خان کی تحریک انصاف ، جو پاکستان موومنٹ فارجسٹس کا ترجمانی کرتی ہے ، کے پاس سینیٹ میں 12 نشستیں ہیں۔ دریں اثنا ، پاکستان پیپلز پارٹی (پی پی پی) اور پاکستان مسلم لیگ (ن) کے پاس 12 اور 25 نشستیں ہیں۔ سینیٹ میں انتخابات کے ذریعےپی ٹی آئی 25 نشستوں تک جانے کا سوچ رہی ہے۔ اس کے ساتھ دیگر اتحادی جماعتوں اور آزاد امیدواروں کو بھی سینیٹ میں نمائندگی حاصل ہے۔ سینیٹ انتخابات کے لئے ہر تین سال بعد انتخابی ومل ہوتا ہے جس میں پاکستان کی چاروں صوبائی اسمبلیاں اور ایوان زیریں پارلیمنٹ شامل ہوتے ہیں۔

پارلیمنٹ ہاؤس اور تین صوبائی اسمبلیوں میں سینیٹ کی 37 خالی نشستوں پر رائے شماری کا عمل جاری ہے۔سینیٹ کے انتخابات کا سب سے دل چسپ اور بڑا معرکہ وفاقی دارالحکومت اسلام آباد کی جنرل نشست پر ہورہا ہے جہاں سابق وزیر اعظم یوسف رضا گیلانی اور وزیر خزانہ عبد الحفیظ شیخ ایک دوسرے کے مدمقابل ہیں۔

اس حوالے سے آزاد تحقیقاتی تنظیم پیلٹ کے سربراہ احمد بلال محبوب نے رائٹرز کو بتایا کہ موجودہ حکومت کو قانون سازی میں دشواری کا سامنا ہے اور وہ بہت سارے قوانین میں پھنس چکی ہے۔ سینیٹ الیکشن میں پارلیمنٹ کے ایوان زیریں میں حکومت کے اراکین اسمبلی اور اتحادی عبدالحفیظ شیخ کو ووٹ دیں گے۔اس بات کا حتمی فیصلہ تو انتخابی عمل پورا ہونے کے بعد ہوگا۔ جب کہ اس بارے میں احمد بلال محبوب کہنا ہے کہ اس سیٹ سے یہ طے ہوسکتا ہے کہ پارلیمنٹ میں کس کی اکثریت ہے۔

پارلیمنٹ ہاؤس اور تین صوبائی اسمبلیوں میں سینیٹ کی 37 خالی نشستوں پر رائے شماری کا عمل جاری ہے۔ صبح 9 بجے شروع ہوا یہ شام 5 بجے تک جاری رہے گا۔ قومی اسمبلی ہال اور چاروں صوبائی اسمبلیوں کے ہال بطور پولنگ سٹیشن استعمال کئے رہے ہیں۔ سینیٹ الیکشن میں شفیق آرائیں نے سب سے پہلے ووٹ ڈالا اور ان کے بعد فیصل واوڈا نے اپنا ووٹ کاسٹ کیا۔

وزیر اعظم عمران خان نے بھی سینیٹ الیکشن میں اپنا ووٹ کاسٹ کیا اور اسمبلی ہال کے دورے کے دوران تحریک انصاف اور اتحادی جماعتوں کے ایم این اے سے بھی بات چیت بھی کی۔

پی ٹی آئی کے حفیظ شیخ اور پیپلز پارٹی کے یوسف رضا گیلانی جنرل نشست کے لئے انتخاب لڑ رہے ہیں۔ ادھر خواتین کی نشست کے لئے پی ٹی آئی کی فوزیہ ارشد اور مسلم لیگ (ن) کی فرزانہ کوثر میدان میں ہیں۔

دریں اثناءسندھ سے 11 اور بلوچستان اور کے پی سے 12 سینیٹرز منتخب ہوں گے۔ قومی اسمبلی میں اپوزیشن لیڈر شہباز شریف نے بھی سینیٹ انتخابات کے لئے اپنا ووٹ کاسٹ کیا ہے۔

واضح رہے کہ سینیٹ الیکشن کے حوالے سے یوسف رضا گیلانی کے بیٹے، علی حیدر کی ایک ویڈیو سامنے آئی جس میں وہ کسی کو ووٹ ضائع کرنے کا طریقہ بتا رہے ہیں۔ تاہم اس ویڈیو کی تصدیق کرتے ہوئے انہوں نے کہا کہ یہ ویڈیو میری ہی ہے، ووٹ مانگنا میرا حق ہے، ووٹ مانگنے کے لیے حکومتی ارکان کے پاس ہی جائیں گے۔ اس ویڈیو کے منظر عام پر آنے سے یہ انتخابی عمل کا مقابلہ اور بھی متنازعہ ہوگیا ہے۔