معاذ صفدر نے اپنی بات کی وضاحت کے لئے پیغام جاری کردیا

معاذ صفدر کا شمار پاکستان کے امیر ترین یوٹیوبرز میں ہوتا ہے اور ان کی اس دولت کی وجہ ان کی ’ڈیلی وی لاگنگ‘ ہے۔

معاذ نے سال 2023 میں صبا عباسی سے 4 سال محبت کے رشتے میں رہنے کے بعد شادی کی جن سے ان کا ایک بیٹا باسل پیدا ہوا۔

معاذ صفدر نے ٹک ٹاکر و سوشل میڈیا انفلوئنسر ریجا کی پوڈ کاسٹ میں شرکت کی جہاں انہوں نے مختلف موضوعات پر گفتگو کی۔

میزبان نے ان سے پوچھا کہ ‘صبا سے کتنے سال افیئر رہنے کے بعد شادی ہوئی؟’  اس سوال کا جواب دیتے ہوئے معاذ نے بتایا کہ ‘ میں اور صبا 4 سال محبت کے رشتے میں بندھے رہے جس کے بعد شادی کرلی’
معاذ صفدر نے کہا کہ ‘ لیکن اب تو  مجھے شادی سے قبل افیئر پر افسوس ہوتا ہے کہ نہیں کرنا چاہئے تھا’۔

انہوں نے کہا کہ ‘ اب سمجھ آگیا ہے جو والدین کہتے ہیں وہ ہی صحیح ہوتا ہے کیونکہ وہ اپنی عقل سے بتا رہے ہوتے ہیں اور اس کا احساس اب ہوا ہے کیونکہ میں اب لڑکا اور لڑکی کو دیکھ کر پہچان جاتا ہوں کہ کون صحیح ہے اور کون غلط’۔

انہوں نے کہا کہ ‘ اب سمجھ گیا ہوں کہ والدین جس لڑکی کے متعلق جو بھی رائے دے رہے ہوتے تھے وہ صحیح تھے’۔
معاذ صفدر کی اس ویڈیو پر سوشل میڈیا صارفین کی ایک بڑی تعداد یہ شبہ ظاہر کر رہی ہے کہ ممکنہ طور پر معاذ اور صبا کے ازدواجی معاملات بھی صحیح نہیں چل رہے ہیں اور جلد یہ دونوں بھی راہیں جدا کرلیں گے۔

لوگوں نے ویڈیو وائرل ہونے پر نہ صرف سوالات اٹھائے بلکہ معاذ اور انکی اہلیہ کا ان جوڑوں سے بھی موازنہ کیا جو محبت کی شادی ہونے کے باوجود راہیں جدا کرلیتے ہیں

صارفین نے ان کی اس ویڈیو کے بعد کافی کمنٹس کیے ہیں جن کے جواب میں معاذ صفدر نے ویڈیو پیغام دیا ہے معاذ صفدر کو بیگم صبا سے  افئیر پر افسوس کرتے بیان کی وضاحت دینا پڑگئی۔

سوشل میڈیا پر ٹرولنگ جب حد سے بڑھی تو آخر کار معاذ نے وضاحت دینے  کیلئے ایک ویڈیو پوسٹ کی۔

Mazz Safdar Explanation

ویڈیو میں معاذ صفدر نے کہا کہ  ’اسلام و علیکم،کیسے ہو سب ٹھیک ٹھاک ہو؟مجھے ہنسی بھی آرہی ہے اور میرا دل بھی عجیب ہورہا ہے تم لوگوں سے یہ بات کرتے ہوئے۔جو آج کل میری ایک کلپ بہت زیادہ وائرل ہورہی ہے وہ پوڈکاسٹ آج سے دو مہینے پہلے کا ہے،تو اگر تم لوگوں نے پوڈکاسٹ دیکھ لیا ہے اور تم لوگوں نے وہ بات سن لی ہے جو میں نے کہی تھی،تو اس کو سن کر تم لوگوں کو لگ رہا ہوگا کہ شاید میرے کوئی مسئلے ہیں لیکن ایسا بلکل نہیں ہے۔‘

انہوں نے کہا کہ وہ  بات کرنے کا مطلب یہ ہی تھا کہ آج کل جو لڑکا لڑکی افیئرز چلا رہے ہیں،تو میں مانتا ہوں جو میں نے کیا وہ غلط کیا کیونکہ یہ ایک ایسا مسئلہ ہے جس میں لڑکے اور لڑکی دونوں کے ماں باپ تنگ ہوتے ہیں پریشان ہوتے ہیں،تو مجھے یہ چیز ابھی سمجھ آئی اور میں نے کسی دوسرے پر رکھ کر یہ بات کرنے سے بہتر یہ سوچا کہ میں خود پر رکھ کر یہ بات کہہ دوں۔

معاذ نے مزید کہا کہ‘میری یہ بات خود پر رکھ کر کرنے کا ہر گز یہ مطلب نہیں تھا کہ میں اپنی اہلیہ سے ناخوش یوں یا میری زندگی میں کوئی مسائل چل رہے ہیں،ایسا کچھ بھی نہیں ہے ہم خوش ہیں اور ہنستے کھیلتے رہتے ہیں کیونکہ اگر کوئی مسئلہ ہوتا تو تم لوگوں کو تین مہینے میں پتا چل جاتا۔‘

انہوں نے کہا کہ میرے وی لاگز روز بنتے ہیں میں خوش ہوں گھومتا پھرتا ہوں،صبا کیساتھ گھومتا ہوں۔یہ بات کرنے کا صرف یہ مقصد ہے کہ جو ینگ جنریشن ہے وہ اس چیز کو سمجھے اور اس چیز میں اپنے ماں باپ کا بھی فیصلہ رکھے تاکہ آگے جاکر کوئی مشکل نہ اٹھانی پڑے،اور اس بات کا ہر گز یہ مطلب نہیں ہے کہ میں یہ بات کہہ رہا ہوں تو میرے ساتھ کوئی مسئلہ ہے میں الحمداللہ بلکل ٹھیک ہوں اور خوش ہوں اور میری بیوی بھی بلکل ٹھیک ہے ہمارا ایک پیارا سا بچہ بھی ہے اور ہم ہنستی کھیلتی فیملی ہیں اور ہنستے کھیلتے ہی رہیں گے ہمیشہ انشااللہ۔

معاذ نے ہنستے ہوئے کہا کہ تم لوگ کیا پاگل ہو دماغ میں دہی بھرا ہوا ہے کیا کچھ بھی سوچ لیتے ہو کچھ بھی بول دیتے ہو۔آج کل ہر کسی کی طلاقیں ہورہی ہیں مار پیٹ ہورہی ہے،پسند کی شادی ہونے کے باوجود بھی طلاق ہوجاتی ہے تو میں نے ان سب کو رکھتے ہوئے یہ بات کہی تھی۔