کیا ہانیہ عامر اور ریپر بادشاہ ایک دوسرے کو ڈیٹ کررہے ہیں؟

شوبز انڈسٹری کی خوبرو اور نٹ کھٹ سی  اداکارہ ہانیہ عامر کی بھارتی گلوکار اور ریپر آدتیہ پرتیک سنگھ سسودیا عرف بادشاہ کے ساتھ تصاویر سو شل میڈیا پر وائرل ہوگئیں

اداکارہ ہانیہ عامر نے فوٹو اور ویڈیو شیئرنگ انسٹاگرام پر تصاویر شیئر کیں جس میں انہیں بھارتی ریپر بادشاہ کے ساتھ خوشگوار موڈ میں دیکھا جاسکتا ہے۔

ہانیہ عامر ان دنوں اپنے دبئی کے سفر کی مختلف یادگار تصاویر اور ویڈیوز انسٹاگرام پر وقتاً فوقتاً شیئر کر رہی ہیں

Hania Amir Rapper Badshah

ایک تصویر میں ہانیہ عامر بادشاہ کے ساتھ سیلفی لے رہی ہیں جبکہ دوسری جگہ ویڈیو میں وہ کسی ریسٹورنٹ میں موجود ہیں۔

انہوں نے یہ پوسٹ شیئر کی جسے لاکھوں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔

ہانیہ عامر نے تصاویر شیئر کرتے ہوئے کیپشن میں لکھا کہ ’بچے خریداری کرنے گئے۔‘

مذکورہ پوسٹ میں واضح طور پر دیکھا جا سکتا ہے کہ دوران شاپنگ یہ دونوں خوب ہنسی مذاق کر رہے ہیں اور بہترین مقامی ڈشز اور مشروب سے خوب لطف اندوز ہو رہے

بھارتی گلوکار کے ہمراہ شیئر کی گئی ان تصاویر نے صارفین کی توجہ سمیٹ لی

وائرل تصاویر پر صارفین نے تبصرہ کرتے ہوئے کہا کہ بلآخر بادشاہ کو اپنی کرش سے ملنے کا موقع مل گیا تو کچھ صارفین نے شبہ ظاہر کیا کہ کیا یہ دونوں ڈیٹ کر رہے ہیں۔

واضح رہے کہ ہانیہ عامر ان دنوں دبئی میں چھٹیاں گزارنے میں مصروف نظر آتی ہیں۔ جن کی حسین تصاویر فوٹو اینڈ ویڈیو شیئرنگ ایپ انسٹاگرام پر وائرل ہوئیں تھیں۔