پیڑول کی بڑھتی قیمتوں پر نور بخاری کی بھی حکومت پر تنقید

وفاقی حکومت نے رواں ہفتے ایک بار پھر عوام پر پٹرول بم گراتے ہوئے پٹرولیم مصنوعات کی قیمتوں میں ہوشربا اضافہ کر دیا گیا ہے، حکومت کے اس فیصلے پر جہاں عوام ناخوش ہے وہیں فنکار برادری میں بھی واضح بے چینی دیکھی جا رہی ہے، جس کی اہلیہ مثال اداکارہ نور بخاری کی پوسٹ ہے۔

تفصیلات کے مطابق حال ہی میں حکومت کی جانب سے پیٹرولیم مصنوعات میں اضافہ کیا گیا ہے، جس کے بعد پیٹرول کی قیمت ملک کی تاریخ بلند ترین سطح پر پہنچ گئی ہے، جس پر عوام کے ساتھ شوبز شخصیات بھی پریشان دیکھائی دیتے ہیں اور سابق اداکارہ نور بخاری نے ملک میں پیڑول کی بڑھتی قیمتوں پر حکومت پر طنز کے تیر چلا دیئے ہیں۔

سماجی رابطے کی ویب سائٹ انسٹاگرام پر شئیر کردہ اسٹوری میں نور بخاری تانگے کی تصویر شئیر کی اور لکھا کہ پیٹرول کی بڑھتی قیمتوں کی وجہ سے ہم سب کو ایک اچھے تانگے میں سرمایہ کاری کرنی چاہئے۔

اس موقع نور بخاری نے مزید لکھا کہ پیڑول کی قیمتیں بڑھ رہی ہیں، ہمیں ان میں سے ایک کو ختم کرنا ہوگا۔

دوسری جانب یوٹیوبر ارسلان نصیر بھی پیڑول کی قیمتوں میں اضافے پر نوخوش دیکھائی دیئے اور لکھا کہ “نہیں تو آپ کے خیال میں ارتغرل کیوں دکھایا جا رہا تھا؟ اس ہی لئے تاکہ عوام گاڑی کے بجائے گھوڑوں پر سفر کریے۔

واضح رہے وزرات خزانہ کی جانب سے جاری کردہ حالیہ نوٹیفکیشن کے مطابق پیٹرول 12 روپے 3 پیسے فی لیٹر مہنگا کردیا گیا ہے۔ پٹرول کی نئی قیمت 159 روپے 86 پیسے فی لیٹر مقرر کردی گئی ہے۔ یہ قیمتیں 28 فروری تک لاگو رہیں گی۔

اس سے قبل اپوزیشن جماعتوں نے پٹرولیم مصنوعات کی قیمتوں میں اضافے کو مسترد کردیا گیا تھا، رہنماؤں نے اضافہ واپس لینے کا مطالبہ کیا ہے۔ قومی اسمبلی میں اپوزیشن لیڈر شہباز شریف سمیت امیر جماعت اسلامی سراج الحق، نفیسہ شاہ اور سابق وزیر خزانہ نے حکومت کو سخت تنقید کا نشانہ بنایا تھا۔ اس سے پہلے بھی پیٹرولیم کی قیمتوں میں اضافے پر پاکستان پیپلز پارٹی (پی پی پی) کے چیئرمین بلاول بھٹو زرداری نے کہا کہ یہ وزیراعظم عمران خان کا شہریوں کے لیے نئے سال کا تحفہ ہے اور مہنگائی کے خاتمے کا واحد راستہ پاکستان تحریک انصاف کو اقتدار سے ہٹانا ہے۔

خیال رہے کہ آئی ایم ایف کی شرائط پر عمل کرتے ہوئے پیٹرولیم لیوی میں اضافہ کیا گیا اور حکومت کی جانب سے پیٹرول اوگرا کی تجویز سے بھی زیادہ مہنگا کیا گیا ہے۔

مزید پڑھیں: سابقہ اداکارہ نور بخاری اور زویا ناصر سوشل میڈیا پر آمنے سامنے

مزید برآں ، روس اور یوکرین کشیدگی سے عالمی منڈی میں تیل کی قیمتوں میں مزید اضافے کی وجہ سے پاکستان میں حکومت کی جانب سے تیل کی قیمتوں میں اضافے کا امکان تو موجود تھا لیکن 12 روپے تک کے ریکارڈ اضافے کے اعلان کے ساتھ ہی سوشل میڈیا پر صارفین نے اپنا احتجاج ریکارڈ کروانا شروع کردیا جبکہ بعض صارفین اس پر میمز بنانے کا موقع بھی نہیں گنوارہے ہیں۔